ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ

4/08/2025 at 3:17 PM

ନୂଆଦିଲ୍ଲୀ: ସେନା ଉପରେ ମନ୍ତବ୍ୟ ଦେବା ପାଇଁ ବିରୋଧୀ ଦଳ ନେତା ରାହୁଲ ଗାନ୍ଧୀଙ୍କୁ ସୁପ୍ରିମକୋର୍ଟ କଡ଼ା ଭର୍ତ୍ସନା କରିଛନ୍ତି। ସୁପ୍ରିମକୋର୍ଟ ରାହୁଲ ଗାନ୍ଧୀଙ୍କୁ ସ୍ପଷ୍ଟ ଶବ୍ଦରେ ପଚାରିଛନ୍ତି, ଆପଣ କିପରି ଜାଣିଲେ ଯେ ଚୀନ୍ ଭାରତର ଜମି ହଡ଼ପ କରିଛି?

ସୁପ୍ରିମକୋର୍ଟ ରାହୁଲ ଗାନ୍ଧୀଙ୍କ ଉପରେ ମନ୍ତବ୍ୟ ଦେଇ କହିଛନ୍ତି ଯେ ଯଦି ଆପଣ ଜଣେ ସଚ୍ଚା ଭାରତୀୟ, ତେବେ ଆପଣଙ୍କୁ ସେନା ବିଷୟରେ ଏପରି କଥା କହିବା ଉଚିତ୍ ନୁହେଁ। ବରିଷ୍ଠ ଓକିଲ ଅଭିଷେକ ମନୁ ସିଂଘଭି ସୁପ୍ରିମକୋର୍ଟରେ ରାହୁଲ ଗାନ୍ଧୀଙ୍କ ପ୍ରତିନିଧିତ୍ୱ କରି କହିଥିଲେ, “ଯଦି ସେ (ରାହୁଲ ଗାନ୍ଧୀ) କିଛି କହିପାରିବେ ନାହିଁ, ତେବେ ବିରୋଧୀ ଦଳ ନେତା ହେବାର କ’ଣ ଲାଭ?”

ଏହା ଉପରେ ସୁପ୍ରିମକୋର୍ଟ କହିଛନ୍ତି, “ସେ ସଂସଦରେ ଏହି ପ୍ରଶ୍ନ କାହିଁକି ପଚାରନ୍ତି ନାହିଁ? ଆପଣ ସୋସିଆଲ ମିଡିଆରେ ଏପରି ମନ୍ତବ୍ୟ କାହିଁକି ଦେଉଛନ୍ତି?

ଉଲ୍ଲେଖଯୋଗ୍ୟ ଯେ ୨୦୨୨ ମସିହାରେ ଭାରତ ଯୋଡୋ ଯାତ୍ରା ସମୟରେ ରାହୁଲ ଗାନ୍ଧୀ ସେନା ଉପରେ ଆପତ୍ତିଜନକ ମନ୍ତବ୍ୟ ଦେଇଥିଲେ। ଗାଲୱାନରେ ଭାରତୀୟ ସେନା ଏବଂ ଚୀନ୍ ସେନା ମଧ୍ୟରେ ଉତ୍ତେଜନା ପରେ ରାହୁଲ ଗାନ୍ଧୀ କହିଥିଲେ, “ଲୋକେ ଭାରତ ଯୋଡୋ ଯାତ୍ରା ବିଷୟରେ ପଚାରିବେ, କିନ୍ତୁ ଚୀନ୍ ସୈନିକଙ୍କ ଦ୍ୱାରା ଆମର ସୈନିକଙ୍କୁ ମାଡ଼ ମାରିବା ବିଷୟରେ ଥରେ ମଧ୍ୟ ପଚାରିବେ ନାହିଁ?” ଏହା ସହିତ ରାହୁଲ ଚୀନ ଦ୍ୱାରା ଭାରତୀୟ ଭୂମି ଦଖଲ କରାଯାଇଥିବା ମଧ୍ୟ ଦାବି କରିଥିଲେ।