ଭାରତକୁ ଖୋଲାଖୋଲି ଧମକ ଦେଲେ ପାକିସ୍ତାନ ପ୍ରଧାନମନ୍ତ୍ରୀ
ନୂଆଦିଲ୍ଲୀ: ପାକିସ୍ତାନ ପ୍ରଧାନମନ୍ତ୍ରୀ ଶାହବାଜ ସରିଫ ଭାରତକୁ ଖୋଲାଖୋଲି ଧମକ ଦେଇଛନ୍ତି ଯେ ସେ ପାକିସ୍ତାନରୁ ପାଣିର ଗୋଟିଏ ବୁନ୍ଦା ମଧ୍ୟ କାହାକୁ ନେବାକୁ ଦେବେ ନାହିଁ।ମଙ୍ଗଳବାର ଇସଲାମାବାଦରେ ଏକ କାର୍ଯ୍ୟକ୍ରମରେ ଶାହବାଜ କହିଛନ୍ତି, “ମୁଁ ଶତ୍ରୁକୁ କହିବାକୁ ଚାହୁଁଛି, ଯଦି ତୁମେ ଆମର ପାଣି ବନ୍ଦ କରିବାକୁ ଚେଷ୍ଟା କର, ମନେରଖ, ତୁମେ ଗୋଟିଏ ବୁନ୍ଦା ମଧ୍ୟ ନେଇପାରିବ ନାହିଁ।
“ପାକିସ୍ତାନ ବାରମ୍ବାର ଚେତାବନୀ ଦେଇଛି ଯେ ପାଣିର ପ୍ରବାହ ବନ୍ଦ କରିବା ଯୁଦ୍ଧ ପରି ହେବ। “ଯଦି ଭାରତ ଏପରି କାମ କରେ, ତେବେ ତାକୁ ଏପରି ଶିକ୍ଷା ଦିଆଯିବ ଯେ ସେ ଏଥିପାଇଁ ପଶ୍ଚାତାପ କରିବ।”ଶେହବାଜ ସରିଫଙ୍କ ବୟାନ ପୂର୍ବରୁ, ପାକିସ୍ତାନ ପିପୁଲ୍ସ ପାର୍ଟିର ଅଧ୍ୟକ୍ଷ ବିଲାୱଲ ଭୁଟ୍ଟୋ ଜର୍ଦ୍ଦାରୀ ମଧ୍ୟ ସିନ୍ଧୁ ଜଳ ସମ୍ପର୍କରେ ବିବାଦୀୟ ମନ୍ତବ୍ୟ ଦେଇଥିଲେ। ବିଲାୱଲ ସିନ୍ଧୁ ଜଳ ଚୁକ୍ତିନାମା ସ୍ଥଗିତ ରଖିବାକୁ ସିନ୍ଧୁ ଉପତ୍ୟକା ସଭ୍ୟତା ଉପରେ ଆକ୍ରମଣ ବୋଲି କହିଥିଲେ। ସେ ଆହୁରି ମଧ୍ୟ କହିଥିଲେ ଯେ ଯଦି ଭାରତ ଯୁଦ୍ଧ ଲାଗୁ କରେ, ତେବେ ପାକିସ୍ତାନ ପଛକୁ ହଟିବ ନାହିଁ।
