ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ17/05/2023 at 1:15 PM
ନୂଆଦିଲ୍ଲୀ: କଥିତ ବୀମା ମାମଲାରେ ଜମ୍ମୁ-କାଶ୍ମୀରର ପୂର୍ବତନ ରାଜ୍ୟପାଳ ସତ୍ୟପାଲ ମଲିକଙ୍କ ତତ୍କାଳୀନ ପ୍ରେସ୍ ସଚିବ ସୁନକ ବାଲିଙ୍କ ଦିଲ୍ଲୀ ସ୍ଥିତ ବାସଭବନ ଉପରେ ସିବିଆଇ ଚଢାଉ କରିଛି। ଏହା ଉପରେ ସତ୍ୟପାଲ୍ ମଲିକ୍ କହିଛନ୍ତି, ଏହା ଦୁର୍ଭାଗ୍ୟପୂର୍ଣ୍ଣ ଯେ, ସିବିଆଇ ମାମଲାରେ ଅଭିଯୋଗକାରୀଙ୍କୁ ହିଁ ହଇରାଣ କରୁଛି। ସୁନକ ବାଲି ବିନା କୌଣସି ସକରାରୀ ବେତନରେ ଜମ୍ମୁ-କାଶ୍ମୀରରେ ମୋର ପ୍ରେସ ସଚିବ ଥିଲେ।
#WATCH | Delhi: CBI raid underway at the residence of Sunak Bali, the then press secretary of former J&K Governor Satyapal Malik, in connection with an alleged insurance case. pic.twitter.com/iTYaZloekp
— ANI (@ANI) May 17, 2023
ସିବିଆଇର ଏହି ଚଢାଉ ସତ୍ୟପାଲ ମଲିକଙ୍କ ଅଭିଯୋଗ ଆଧାରରେ ରୁଜୁ ବୀମା ଘୋଟଲା ମାମଲାକୁ ନେଇ ହୋଇଛି। କିଛି ଦିନ ପୂର୍ବେ ସିବିଆଇ ସତ୍ୟପାଲ ମଲିକଙ୍କ ବୟାନ ରେକର୍ଡ କରିଥିଲେ। କିଛି ଦିନ ପୂର୍ବେ ସତ୍ୟପାଲ ମଲିକ ଏକ ସାକ୍ଷାତକାରରେ କହିଥିଲେ ଯେ, ଯେବେ ସେ ୨୦୧୮ ଅଗଷ୍ଟ ୨୩ରୁ ୨୦୧୯ ଅକ୍ଟୋବର ୩୦ ପର୍ୟ୍ୟନ୍ତ ଜମ୍ମୁ-କାଶ୍ମୀରର ରାଜ୍ୟପାଳ ଥିଲେ ସେହି ସମୟରେ ବୀମା ସଂପର୍କିତ ଦୁଇଟି ଫାଇଲ୍ ମଞ୍ଜରୀ ପାଇଁ ତାଙ୍କୁ ୩୦୦ କୋଟି ଟଙ୍କାର ଲାଞ୍ଚ ଯଚା ଯାଇଥିଲା। ଫାଇଲର ମଞ୍ଜୁରୀ ବିଷୟରେ ପଚାରି ବୁଝିବା ପାଇଁ ସେ ସମୟର ବିଜେପି ସାଧାରଣ ସଂପାଦକ ରାମ ମାଧବ ମଧ୍ୟ ରାଜଭବନ ଆସିଥିଲେ।