ବିହାରରେ କିଏ ମାରିବ ବାଜି, ଜାଣନ୍ତୁ କଣ କହୁଛି ଏକଜିଟ୍ ପୋଲ
ପାଟଣା: ନଭେମ୍ବର ୧୧ ତାରିଖରେ ବିହାରରେ ଶେଷ ପର୍ଯ୍ୟାୟ ମତଦାନ ଶେଷ ହୋଇଛି। ଏଥିସହିତ ସମସ୍ତଙ୍କ ନଜର ନିର୍ବାଚନ ଫଳାଫଳ ଉପରେ କେନ୍ଦ୍ରିତ। ଯାହା ଶୁକ୍ରବାର ଘୋଷଣା ହେବାର ସମ୍ଭାବନା ରହିଛି। ଏହି ସମୟରେ ଅନେକ ନ୍ୟୁଜ୍ ଚ୍ୟାନେଲ ଏବଂ ସର୍ଭେ ଏଜେନ୍ସି ଏକଜିଟ୍ ପୋଲ ପ୍ରକାଶ କରୁଛନ୍ତି। ଏପର୍ଯ୍ୟନ୍ତ ଅଧିକାଂଶ ପୋଲ ବିହାର ସରକାରରେ ନୀତିଶ କୁମାରଙ୍କ ପୁନଃନିର୍ବାଚନ ହେବା ନେଇ ପୂର୍ବାନୁମାନ କରିଛନ୍ତି।
ବୁଧବାର ଆକ୍ସିସ୍ ମାଇ ଇଣ୍ଡିଆ ବିହାର ପାଇଁ ଏହାର ଏକଜିଟ୍ ପୋଲ ପ୍ରକାଶ କରିଛି। ଏହା ୨୪୩ ବିଧାନସଭା ନିର୍ବାଚନମଣ୍ଡଳୀରେ ଏହି ପୋଲ କରିଥିଲା। ଆକ୍ସିସ୍ ମାଇ ଇଣ୍ଡିଆ ଆକଳନ କରିଛି ଯେ ବିହାର ବିଧାନସଭା ନିର୍ବାଚନରେ NDA ୪୩ ପ୍ରତିଶତ ଭୋଟ ସେୟାର ଏବଂ ମହାଗଠବନ୍ଧନ ୪୧ ପ୍ରତିଶତ ଭୋଟ ସେୟାର ପାଇବ। ସର୍ଭେ ଏଜେନ୍ସି ଅନୁଯାୟୀ, ପ୍ରଶାନ୍ତ କିଶୋରଙ୍କ ଜନ ସୂରଜ ୪ ପ୍ରତିଶତ ଭୋଟ ପାଇବାର ଆଶା କରାଯାଉଛି। ଯେତେବେଳେ କି ୧୨ ପ୍ରତିଶତ ଭୋଟ ସେୟାର ଅନ୍ୟମାନଙ୍କୁ ଯାଇପାରେ।
ଆକ୍ସିସ୍ ମାଇ ଇଣ୍ଡିଆ ଏକଜିଟ୍ ପୋଲ NDA ୧୨୧ ରୁ ୧୪୧ ଆସନ ମଧ୍ୟରେ ଜିତିବ ବୋଲି ପୂର୍ବାନୁମାନ କରିଛି, ଯେତେବେଳେ ମହାଗଠବନ୍ଧନ ୯୮-୧୧୮ ଆସନ ଜିତିବ ବୋଲି ଆଶା କରାଯାଉଛି। ଜନସୁରାଜଙ୍କୁ ୦-୨ ଆସନ, AIMIMକୁ ୦-୫ ଆସନ ଏବଂ ଅନ୍ୟାନ୍ୟଙ୍କୁ ୧-୫ ଆସନ ମିଳିବ ବୋଲି ଆଶା କରାଯାଉଛି।
ସେହିପରି ପ୍ରାୟ ୧୧ଟି ଏଜେନ୍ସିର ଏକଜିଟ ପୋଲ ଅନୁଯାୟୀ, ବିହାରରେ ନୀତୀଶ କୁମାରଙ୍କ ସରକାର ପୁଣି ଥରେ ଗଠନ ହୋଇପାରେ। MATRIZE-IANS ଏକଜିଟ ପୋଲ ଅନୁଯାୟୀ, NDA ୧୪୭-୧୬୭ ଆସନ, ମହାଗଠବନ୍ଧନ ୭୦-୯୦ ଆସନ ଏବଂ ଅନ୍ୟାନ୍ୟ ୨-୬ ଆସନ ଜିତିପାରେ।
