ସ୍ପାନିସ୍ VLOGGERଙ୍କ ଶରୀରରେ ‘ଦେବୀ’ଙ୍କ ପ୍ରବେଶ ?
କେରଳ, ୨୬|୩: କେରଳର ପ୍ରସିଦ୍ଧ କୋଡୁଙ୍ଗାଲୁର ଭରନୀ ଉତ୍ସବ ସମୟରେ ଜଣେ ବିଦେଶୀ ମହିଳା ଙ୍କ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହୋଉଛି । ଉତ୍ସବର ପୁରୁଣା ପାରମ୍ପରିକ ରୀତିନୀତିକୁ ଦେଖିବା ପାଇଁ ସେ ଆସିଥିବା ବେଳେ, ହଠାତ୍ ତାଙ୍କ ବ୍ୟବହାରରେ ଅସାଧାରଣ ପରିବର୍ତ୍ତନ ଦେଖାଯାଇଥିଲା । ଉତ୍ସବ ଆଗକୁ ବଢ଼ିବା ସହିତ ସେ ଅତ୍ୟଧିକ ଭାବୁକ ଓ ଉତ୍ତେଜିତ ହୋଇଯାଇଥିଲେ, ଯାହା ଦେଖି ସମସ୍ତେ ଆଶ୍ଚର୍ଯ୍ୟ ହୋଇପଡ଼ିଥିଲେ ।
ଏହି ଭିଡିଓ ଭାଇରାଲ ହେବା ପରେ କିଛି ଲୋକ କହିଥିଲେ ଯେ, ତାଙ୍କ ଶରୀରରେ ଦେବୀଙ୍କ ପ୍ରବେଶ ହୋଇଛି, ଯାହାକୁ ନେଇ ଚର୍ଚ୍ଚା ଜୋର ଧରିଛି । କିନ୍ତୁ ସ୍ଥାନୀୟ ଲୋକ ଓ ବିଶେଷଜ୍ଞମାନେ ଏହାକୁ ଖଣ୍ଡନ କରି କହିଛନ୍ତି ଯେ, ଏହି ଉତ୍ସବର ପରିବେଶ, ଉଚ୍ଚ ସ୍ୱରର ମନ୍ତ୍ରୋଚ୍ଚାରଣ, ଭକ୍ତିମୟ ଭାବନା ଓ ଉତ୍ସାହ, ପ୍ରଥମ ଥର ପାଇଁ ଦେଖୁଥିବା ଜଣେ ବ୍ୟକ୍ତିଙ୍କୁ ଅତ୍ୟଧିକ ଭାବୁକ କରିପାରେ । ସେହିପରି, ଏହି ଘଟଣାକୁ ଅଲୌକିକ ଘଟଣା ନୁହେଁ, ବରଂ ଉତ୍ସବର ତୀବ୍ରତାରେ ହୋଇଥିବା ସାଧାରଣ ଭାବନାତ୍ମକ ପ୍ରତିକ୍ରିୟା ବୋଲି ବିବେଚନା କରାଯାଉଛି ।
