ରଥଯାତ୍ରା ପାଳନ ଉପଲକ୍ଷେ ଚତୁର୍ଥ ସନ୍ଧ୍ୟାରେ ମାଁ କୁରେଇଶୁଣୀ ଭଜନ ସଙ୍ଘ ର ଭଜନ ପରିବେଷଣ
ପାରଳାଖେମୁଣ୍ଡି:୨୮/୭(ଗରୁଡ଼ ଧ୍ଵଜ ଚୌଧୁରୀ) ରଥଯାତ୍ରା ପାଳନ ଉପଲକ୍ଷେ ଗଜପତି ଜିଲ୍ଲା ପ୍ରଶାସନ ଓ ଜିଲ୍ଲା ସଂସ୍କୃତି ପରିଷଦର ମିଳିତ ଆନୁକୁଲ୍ୟରେ ୫ଦିନ ଧରି ହେବାକୁ ଥିବା ସାଂସ୍କୃତିକ କାର୍ଯ୍ୟକ୍ରମ ର ଚତୁର୍ଥ ସନ୍ଧ୍ୟାରେ ବାୟାଧର ବଡକୁମର ଙ୍କ ନିର୍ଦ୍ଦେଶନାରେ ଆର୍.ଉଦୟଗିରିର ମାଁ କୁରେଇଶୁଣୀ ଭଜନ ସଙ୍ଘ ର କଣ୍ଠ ଶିଳ୍ପୀ ମାନେ ଉଚ୍ଚ କଟୀର ଭଜନ ପରିବେଷଣ ହୋଇଥିଲା।
ଚତୁର୍ଥ ସନ୍ଧ୍ୟାର ଭଜନ ସମାରୋହ କାର୍ଯ୍ୟକ୍ରମ ରେ ଅତିଥି ଭାବେ ଗୁରୁ ପଣ୍ଡିତ ରଘୁନାଥ ପାତ୍ର , ଭାଗବତ ପାଢ଼ୀ , ଜିଲ୍ଲା ସଂସ୍କୃତି ଅଧିକାରୀ ସୁଶ୍ରୀ ଅର୍ଚ୍ଚନା କୁମାରୀ ମଙ୍ଗରାଜ ମଞ୍ଚାସୀନ ରହି କଣ୍ଠଶିଳ୍ପୀ ମାନୀଙ୍କୁ ପ୍ରମାଣ ପତ୍ର ଓ ପୁରସ୍କାର ପ୍ରଦାନ କରିଥିଲେ।
ସେହିପରି ତୃତୀୟ ସନ୍ଧ୍ୟାରେ ଗଜପତି ଜିଲ୍ଲା ଗୋଷାଣୀ ବ୍ଲକ ଭିନ୍ନଳା ଗ୍ରାମର ଶ୍ରୀ ଗୌର ଭକ୍ତ ନାଟ୍ୟକଳା ସଂସଦ ପକ୍ଷରୁ ଗୁରୁ ଶ୍ରୀ ପୁରୁଷୋତ୍ତମ ପ୍ରଧାନଙ୍କ ନିର୍ଦ୍ଦେଶନାରେ ରାଧା କୃଷ୍ଣ ପ୍ରେମ ଲୀଳା ଉପରେ ଆଧାରିତ ଲୋକନୃତ୍ୟ ପରିବେଷଣ କରିଥିଲେ।
ତୃତୀୟ ସନ୍ଧ୍ୟା ସାଂସ୍କୃତିକ କାର୍ଯ୍ୟକ୍ରମ ରେ ଅତିଥି ଭାବେ ଗୁରୁ ପଣ୍ଡିତ ରଘୁନାଥ ପାତ୍ର , ଜିଲ୍ଲା ସଂସ୍କୃତି ଅଧିକାରୀ ସୁଶ୍ରୀ ଅର୍ଚ୍ଚନା କୁମାରୀ ମଙ୍ଗରାଜ ମଞ୍ଚାସୀନ ରହି ଆଜିର ମୋବାଇଲ୍ ଯୁଗରେ ଏହିପରି ଲୋକକଳା ଆମ ସଂସ୍କୃତି , ପରମ୍ପରା କୁ ବଞ୍ଚାଇ ରଖିଥିବା ଯୋଗୁଁ ଅନୁଷ୍ଠାନ ସମସ୍ତ କଳାକାର ମାନଙ୍କୁ ସାଧୁବାଦ ଜଣାଇଥିଲେ ଅର୍ଚ୍ଚନା କୁମାରୀ ମଙ୍ଗରାଜ।ଲୋକକଳାକୁ ବଞ୍ଚାଇବା ପାଇଁ ଅହରହ ଚେଷ୍ଟା ଚଲାଇଛି ଜିଲ୍ଲା ପ୍ରଶାସନ। ଆଧୁନିକ ଯୁଗରେ ଲୋକକଳା ବଞ୍ଚାଇବା ବହୁତ କଷ୍ଟକର। ବହୁତ କଷ୍ଟ ସାଧ୍ୟ ଜିନିଷ କୁ ଆଜିକାଲି ଆପେଣେଇବା ପାଇଁ ଲୋକଙ୍କ ପାଖରେ ଧର୍ଯ୍ୟ ନାହିଁ। ଗଜପତି ଜିଲ୍ଲା , ପାରଳାଖେମୁଣ୍ଡି ହେଉଛି ଲୋକ ସଂସ୍କୃତି ଜିଲ୍ଲା। କିନ୍ତୁ ବର୍ତ୍ତମାନ ଆଉ ସେହି ପରମ୍ପରା ଦିନକୁ ଦିନ ଲୋପ ହେବାକୁ ଯାଉଛି , ଏ ସମୟରେ ଏହି ଅନୁଷ୍ଠାନ ର କଳାକାର ମାନେ ତାକୁ ବଞ୍ଚାଇ ରଖିବା ପାଇଁ ଯେଉଁ ପ୍ରୟାସ ଜାରି ରଖିଛନ୍ତି ସେଥି ପାଇଁ ସେମାନଙ୍କୁ ଉତ୍ସାହତ କରିବା , ସେମାନେ ଏହି ପରମ୍ପରାକୁ ବଞ୍ଚାଇ ରଖିଥାନ୍ତୁ ବୋଲି ଗୁରୁ ଶ୍ରୀ ପାତ୍ର କହିଥିଲେ।ସମସ୍ତ କାର୍ଯ୍ୟକ୍ରମକୁ ଶୁଭ୍ରାଂଶୁ ଶେଖର ପଟ୍ଟନାୟକ ସଂଯୋଜନା କରିଥିବା ବେଳେ ଜିଲ୍ଲା ସଂସ୍କୃତି ଅଧିକାରୀ ସୁଶ୍ରୀ ଅର୍ଚ୍ଚନା କୁମାରୀ ମଙ୍ଗରାଜ ପରିଚାଳନା କରିଥିବା ବେଳେ ଜିଲ୍ଲା ସଂସ୍କୃତି ବିଭାଗର କାର୍ଯ୍ୟାଳୟର କନିଷ୍ଠ ସହାୟକ ମନୋଜ କୁମାର ଲିମ୍ମା ସହଯୋଗ କରିଥିଲେ।
