ଛତିଶଗଡ଼ରେ ନିଆରା ରାମ୍ପ୍ ୱାକ୍: ନକ୍ସଲ ହିଂସା ଛାଡ଼ିଥିବା ମହିଳାଙ୍କ ହାତରେ ହସ୍ତତନ୍ତର ଜଲୱା
ଛତିଶଗଡ଼: ଜାତୀୟ ହସ୍ତତନ୍ତ ଦିବସ ଅବସରରେ ଛତିଶଗଡ଼ର ରାୟପୁରରେ ଆୟୋଜିତ ହୋଇଛି ଏକ ନିଆରା ରାମ୍ପ୍ ୱାକ୍। ଏଥିରେ ପୂର୍ବତନ ମହିଳା ନକ୍ସଲ କ୍ୟାଡର୍ମାନେ ଅଂଶଗ୍ରହଣ କରି ଛତିଶଗଡ଼ର ପାରମ୍ପରିକ ହସ୍ତତନ୍ତ ପୋଷାକ ପିନ୍ଧି ରାମ୍ପ୍ରେ ଚାଲିଥିଲେ। ଏହି କାର୍ଯ୍ୟକ୍ରମ ରାଜ୍ୟର ସମୃଦ୍ଧ ବୟନ ଓ ହସ୍ତତନ୍ତ ପରମ୍ପରାକୁ ଉଜାଗର କରିବା ସହ ସେମାନଙ୍କ ଜୀବନରେ ଆସିଥିବା ବଡ଼ ପରିବର୍ତ୍ତନର ବାର୍ତ୍ତା ଦେଇଥିଲା।
ଦିନେ ହିଂସା ଓ ସଂଘର୍ଷର ରାସ୍ତାରେ ଥିବା ଏହି ମହିଳାମାନେ ଆଜି ଆତ୍ମସମ୍ମାନ, ଆତ୍ମନିର୍ଭରତା ଓ ଆତ୍ମବିଶ୍ୱାସର ସହ ନୂଆ ଜୀବନ ଆରମ୍ଭ କରିଛନ୍ତି। ପାରମ୍ପରିକ ଛତିଶଗଡ଼ୀ ହସ୍ତତନ୍ତ ପୋଷାକରେ ସେମାନଙ୍କ ରାମ୍ପ୍ ୱାକ୍ ସମାଜର ମୁଖ୍ୟଧାରାକୁ ଫେରିବାର ଏକ ପ୍ରେରଣାଦାୟକ ଚିତ୍ର ପ୍ରଦର୍ଶନ କରିଥିଲା।
ଏହି ପଦକ୍ଷେପ ମାଧ୍ୟମରେ ନକ୍ସଲ ପ୍ରଭାବିତ ଅଞ୍ଚଳରେ ଚାଲିଥିବା ପୁନର୍ବାସ ଓ ପୁନଃସ୍ଥାପନ ପ୍ରୟାସକୁ ମଧ୍ୟ ସାମ୍ନାକୁ ଅଣାଯାଇଛି। ଏହାସହ ବସ୍ତର ଓ ଛତିଶଗଡ଼ରେ ହିଂସାର ପରିବର୍ତ୍ତେ ବିକାଶ, ସୁଯୋଗ ଓ ଆତ୍ମନିର୍ଭରତାର ନୂଆ ପରିଚୟ ଗଢ଼ିଉଠୁଥିବାର ବାର୍ତ୍ତା ମଧ୍ୟ ଏହି ଆୟୋଜନ ଦେଇଛି।
