Tarun Tejpal Case: ୨ ସପ୍ତାହ ମଧ୍ୟରେ ଆତ୍ମସମର୍ପଣ କରିବେ ପୂର୍ବତନ ସାମ୍ବାଦିକ, ସୁପ୍ରିମ କୋର୍ଟଙ୍କ କଡା ନିର୍ଦ୍ଦେଶ
ନୂଆଦିଲ୍ଲୀ: ସୁପ୍ରିମକୋର୍ଟ ପୂର୍ବତନ ‘ତେହେଲକା’ ସମ୍ପାଦକ ତରୁଣ ତେଜପାଲଙ୍କୁ ୨ ସପ୍ତାହ ମଧ୍ୟରେ ଆତ୍ମସମର୍ପଣ କରିବାକୁ ମଙ୍ଗଳବାର ନିର୍ଦ୍ଦେଶ ଦେଇଛନ୍ତି। ୨୦୧୩ ମସିହାର ଜଣେ ପୂର୍ବତନ ସହକର୍ମୀଙ୍କ ଦୁଷ୍କର୍ମ ମାମଲାରେ ଗୋଆ ବେଞ୍ଚ ତାଙ୍କୁ ଦୋଷୀ ସାବ୍ୟସ୍ତ କରି ୧୦ ବର୍ଷ ଜେଲ୍ ଦଣ୍ଡ ଦେଇଥିଲେ। ଏହା ବିରୋଧରେ ତେଜପାଲ ସୁପ୍ରିମକୋର୍ଟରେ ଆବେଦନ କରିଛନ୍ତି।
ଏହି ମାମଲାରେ ୨୦୨୧ରେ ତେଜପାଲଙ୍କୁ ନିମ୍ନ ଅଦାଲତ ଦୋଷମୁକ୍ତ କରିଥିଲେ। ପରେ ଗୋଆ ସରକାର ଏହି ରାୟକୁ ବମ୍ବେ ହାଇକୋର୍ଟରେ ଚ୍ୟାଲେଞ୍ଜ କରିଥିଲେ। ଚଳିତ ଅଗଷ୍ଟ ୬ ତାରିଖରେ ଗୋଆ ବେଞ୍ଚ ତେଜପାଲଙ୍କୁ ଦୋଷୀ ସାବ୍ୟସ୍ତ କରି ୧୦ ବର୍ଷର ଜେଲ୍ ଦଣ୍ଡ ଶୁଣାଇଥିଲେ।
ଘଟଣାଟି ୨୦୧୩ ନଭେମ୍ବରରେ ଗୋଆର ପାଣାଜୀରେ ଏକ ସରକାରୀ କାର୍ଯ୍ୟକ୍ରମ ସମୟରେ ଘଟିଥିବା ଅଭିଯୋଗ ଉପରେ ଆଧାରିତ। ଜଣେ ମହିଳା ସାମ୍ବାଦିକ ତେଜପାଲଙ୍କ ବିରୋଧରେ ହୋଟେଲର ଲିଫ୍ଟ ଭିତରେ ଯୌନ ନିର୍ଯାତନାର ଅଭିଯୋଗ ଆଣିଥିଲେ। ୨୦୧୭ରେ ତାଙ୍କ ବିରୋଧରେ ଦୁଷ୍କର୍ମ, ଯୌନ ଉତ୍ପୀଡ଼ନ ଏବଂ ବେଆଇନ ଭାବେ ଅଟକ ରଖିବା ସମେତ ବିଭିନ୍ନ ଧାରାରେ ଚାର୍ଜ ଗଠନ ହୋଇଥିଲା। ତେବେ ତେଜପାଲ ଅଭିଯୋଗକୁ ଅସ୍ୱୀକାର କରିଥିଲେ।
