ଏମ୍ ଏମ୍ ଡି ଆର ସଂଶୋଧନ ବିରୋଧରେ ବିଜେଡିର ବିକ୍ଷୋଭଭୁବନେଶ୍ୱର ବିଧାନସଭା ଘେରାଉରେ ଗଜପତିରୁ ଶତାଧିକ ନେତା ଓ କର୍ମୀ ସାମିଲ
ପାରଳାଖେମୁଣ୍ଡି:୨୮/୯(ଗରୁଡ଼ ଧ୍ଵଜ ଚୌଧୁରୀ) ଏମ୍ ଏମ୍ ଡି ଆର ସଂଶୋଧନ ଆଇନ–୨୦୨୬କୁ ନେଇ ରାଜ୍ୟରେ ରାଜନୈତିକ ବିରୋଧ ଜାରି ରହିଥିବାବେଳେ, ବିଜୁ ଜନତା ଦଳ (ବିଜେଡି) ପକ୍ଷରୁ ଭୁବନେଶ୍ୱରରେ ବିକ୍ଷୋଭ ଓ ବିଧାନସଭା ଘେରାଉ କାର୍ଯ୍ୟକ୍ରମ ଆୟୋଜିତ ହୋଇଛି। ଏହି କାର୍ଯ୍ୟକ୍ରମରେ ଗଜପତି ଜିଲ୍ଲାରୁ ଶତାଧିକ ବିଜେଡି ନେତା, କର୍ମୀ, ଛାତ୍ର ଓ ଯୁବ ନେତା ସାମିଲ ହୋଇ ଏମ୍ ଏମ୍ ଡି ଆର ସଂଶୋଧନ ଆଇନ ପ୍ରତ୍ୟାହାର ଦାବି ଉଠାଇଛନ୍ତି।ବିକ୍ଷୋଭ ସମୟରେ ଦଳୀୟ ନେତା ଓ କର୍ମୀମାନେ ବ୍ୟାନର ଓ ପ୍ଲାକାର୍ଡ ଧରି ଆଇନର ବିଭିନ୍ନ ପ୍ରାବଧାନକୁ ନେଇ ଆପତ୍ତି ପ୍ରକାଶ କରିଥିଲେ। ଖଣିଜ ସମ୍ପଦ, ଖଣିଜ ଅଧିକାର, ରାଜ୍ୟର ସ୍ୱାର୍ଥ ଏବଂ ଖଣିଜ ରାଜସ୍ୱ ସମ୍ପର୍କିତ ପ୍ରସଙ୍ଗକୁ ନେଇ ବିକ୍ଷୋଭକାରୀମାନେ ସରକାରଙ୍କ ନିକଟରେ ନିଜର ଦାବି ଉପସ୍ଥାପନ କରିଥିଲେ।
ବିଜେଡି ପକ୍ଷରୁ କୁହାଯାଇଛି ଯେ, ଖଣିଜ ସମ୍ପଦ ସହ ଜଡିତ ନୀତି ଓ ଆଇନର ପରିବର୍ତ୍ତନ ରାଜ୍ୟର ଅର୍ଥନୈତିକ ସ୍ୱାର୍ଥ ଏବଂ ରାଜସ୍ୱ ଉପରେ ପ୍ରଭାବ ପକାଇପାରେ। ତେଣୁ ଏମ୍ ଏମ୍ ଡି ଆର ସଂଶୋଧନ ଆଇନକୁ ପୁନର୍ବିଚାର କରିବା ସହ ଏହାକୁ ପ୍ରତ୍ୟାହାର କରିବାକୁ ଦଳ ଦାବି କରିଛି।ଏହି ପ୍ରସଙ୍ଗକୁ ନେଇ ବିଜେଡି ସଦସ୍ୟମାନେ ବିଧାନସଭାରେ ମଧ୍ୟ ବିରୋଧ ପ୍ରଦର୍ଶନ କରି ଆଇନ ପ୍ରତ୍ୟାହାର ଦାବି ଉଠାଇଥିବା ଦଳୀୟ ନେତାମାନେ କହିଛନ୍ତି। ଅନ୍ୟପକ୍ଷରେ, ରାଜ୍ୟ ସରକାରଙ୍କ ପକ୍ଷରୁ ସଂଶୋଧିତ ଆଇନର ସମ୍ଭାବ୍ୟ ରାଜସ୍ୱ ପ୍ରଭାବ ସମ୍ପର୍କରେ ଆକଳନ ଏପର୍ଯ୍ୟନ୍ତ କରାଯାଇନଥିବା କୁହାଯାଇଛି।ଭୁବନେଶ୍ୱରରେ ଆୟୋଜିତ ଘେରାଉ କାର୍ଯ୍ୟକ୍ରମରେ ଓଡ଼ିଶାର ବିଭିନ୍ନ ଅଞ୍ଚଳରୁ ବିଜେଡି ନେତା ଓ କର୍ମୀମାନେ ଯୋଗ ଦେଇଥିଲେ। ଗଜପତି ଜିଲ୍ଲାର ପାରଳାଖେମୁଣ୍ଡି ନିର୍ବାଚନମଣ୍ଡଳୀ ପକ୍ଷରୁ ବିଧାୟକ ରୁପେଶ କୁମାର ପାଣିଗ୍ରାହୀଙ୍କ ନେତୃତ୍ୱରେ ଦଳୀୟ ନେତା ଓ କର୍ମୀମାନେ ଏଥିରେ ସାମିଲ ହୋଇଥିଲେ।କାର୍ଯ୍ୟକ୍ରମରେ ବିଜେଡି ଗଜପତି ଜିଲ୍ଲା ସଭାପତି ପ୍ରଦୀପ ନାୟକ, ଜିଲ୍ଲା ପରିଷଦ ଅଧ୍ୟକ୍ଷ ଜି. ତିରୁପତି ରାଓ, ପାରଳାଖେମୁଣ୍ଡି ପୌର ପରିଷଦ ଅଧ୍ୟକ୍ଷା ନିର୍ମଳା ସେଠୀ, କାଶୀନଗର ବ୍ଲକ ଅଧ୍ୟକ୍ଷା ବାଲା ସାଇଆମାଙ୍କ ସମେତ ବିଭିନ୍ନ ଜିଲ୍ଲା ପରିଷଦ ସଦସ୍ୟ, ସରପଞ୍ଚ, ସମିତି ସଦସ୍ୟ ଏବଂ ବିଜେଡିର ଛାତ୍ର ଓ ଯୁବ ସଂଗଠନର ନେତାମାନେ ଯୋଗ ଦେଇଥିଲେ।ବିକ୍ଷୋଭରେ ଯୋଗଦେଇଥିବା ଗଜପତିର ନେତା ଓ କର୍ମୀମାନେ ଏକଜୁଟ ହୋଇଏମ୍ ଏମ୍ ଡି ଆର ସଂଶୋଧନ ଆଇନକୁ ନେଇ ଦଳର ଆପତ୍ତି ଓ ଦାବିକୁ ସରକାରଙ୍କ ନିକଟରେ ରଖିଥିଲେ। ଖଣିଜ ସମ୍ପଦ ଓ ଏହା ସମ୍ପର୍କିତ ରାଜସ୍ୱ ପ୍ରସଙ୍ଗରେ ରାଜ୍ୟର ସ୍ୱାର୍ଥ ସୁରକ୍ଷିତ ରହିବା ଆବଶ୍ୟକ ବୋଲି ବିକ୍ଷୋଭକାରୀମାନେ ଦାବି କରିଥିଲେ।ଏହି ବିକ୍ଷୋଭ ମାଧ୍ୟମରେ ଏମ୍ ଏମ୍ ଡି ଆର ସଂଶୋଧନ ଆଇନକୁ ନେଇ ବିଜେଡିର ଆପତ୍ତିକୁ ରାଜ୍ୟସ୍ତରରେ ଆହୁରି ଜୋରଦାର କରାଯାଇଥିବା ଦଳୀୟ ନେତାମାନେ କହିଛନ୍ତି।
