Sergio Gor Durga Puja Visit: କୋଲକାତା ଦୁର୍ଗାପୂଜା ମଣ୍ଡପ ବୁଲି ମା’ ଦୁର୍ଗାଙ୍କ ଦର୍ଶନ କଲେ ଆମେରିକାର ରାଷ୍ଟ୍ରଦୂତ
କୋଲକାତା: ଭାରତରେ ଅବସ୍ଥାପିତ ଆମେରିକାର ରାଷ୍ଟ୍ରଦୂତ ସର୍ଜିଓ ଗୋର କୋଲକାତାର ବିଭିନ୍ନ ଦୁର୍ଗାପୂଜା ମଣ୍ଡପ ପରିଦର୍ଶନ କରି ମା’ ଦୁର୍ଗାଙ୍କ ଦର୍ଶନ କରିଛନ୍ତି। ଏହି ଅବସରରେ ସେ ମଣ୍ଡପଗୁଡ଼ିକର ଆକର୍ଷଣୀୟ ସାଜସଜ୍ଜା ଏବଂ ଏହାକୁ ପ୍ରସ୍ତୁତ କରିବାରେ କଳାକାରମାନଙ୍କ ପରିଶ୍ରମକୁ ପ୍ରଶଂସା କରିଛନ୍ତି।
ସର୍ଜିଓ ଗୋର ସୋସିଆଲ ମିଡିଆରେ ଏହି ଗସ୍ତର କିଛି ଫଟୋ ସେୟାର କରିଛନ୍ତି। କୋଲକାତାକୁ ଫେରି ଆସି ସେ ଖୁସି ଅନୁଭବ କରୁଥିବା କଥା ମଧ୍ୟ ଜଣାଇଛନ୍ତି। ଦୁର୍ଗାପୂଜା ସମୟରେ ସହରର ଉତ୍ସବମୁଖର ପରିବେଶ ତାଙ୍କୁ ଆକର୍ଷିତ କରିଥିବା ତାଙ୍କ ପ୍ରତିକ୍ରିୟାରୁ ଜଣାପଡ଼ିଛି।
ଦୁର୍ଗାପୂଜାର ରଙ୍ଗିନ ପରିବେଶ ସହ ଲୋକଙ୍କ ମଧ୍ୟରେ ମିଳାମିଶା ଓ ଆତିଥ୍ୟକୁ ମଧ୍ୟ ସେ ପ୍ରଶଂସା କରିଛନ୍ତି। ତାଙ୍କର ଏହି ଗସ୍ତ କୋଲକାତାର ପ୍ରସିଦ୍ଧ ଦୁର୍ଗାପୂଜା ପରମ୍ପରା ଓ ସାଂସ୍କୃତିକ ଆକର୍ଷଣକୁ ପୁଣି ଚର୍ଚ୍ଚାକୁ ଆଣିଛି।
