Trump Visit: ଫିଲିପାଇନ୍ସରେ ଟ୍ରମ୍ପଙ୍କ ଗସ୍ତକୁ ବିରୋଧ, ରାସ୍ତାକୁ ଓହ୍ଲାଇଲେ ଛାତ୍ର ଓ ଯୁବ କର୍ମୀ
ନୂଆଦିଲ୍ଲୀ: ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଫିଲିପାଇନ୍ସ ଗସ୍ତ ପୂର୍ବରୁ ଶୁକ୍ରବାର (ନଭେମ୍ବର ୧୩) ଦେଶରେ ବିରୋଧ ପ୍ରଦର୍ଶନ ହୋଇଛି। ଟ୍ରମ୍ପଙ୍କ ଗସ୍ତ ଏବଂ ତାଙ୍କ ବୈଦେଶିକ ନୀତିକୁ ବିରୋଧ କରି ଛାତ୍ରଛାତ୍ରୀ ଓ ଯୁବ ସଂଗଠନର କର୍ମୀମାନେ ଆନ୍ଦୋଳନ କରିଛନ୍ତି।
ଫିଲିପାଇନ୍ସର ୟୁନିଭର୍ସିଟି ଅଫ୍ ଫିଲିପାଇନ୍ସର ଛାତ୍ରଛାତ୍ରୀମାନେ ପାଠପଢ଼ା ଛାଡ଼ି କ୍ୟାମ୍ପସ୍ରେ ଶୋଭାଯାତ୍ରା କରିଥିଲେ। ସେମାନେ ବ୍ୟାନର ଧରିବା ସହ ଟ୍ରମ୍ପଙ୍କୁ ପଦରୁ ହଟାଇବା ଏବଂ ଫିଲିପାଇନ୍ସ ରାଷ୍ଟ୍ରପତି ଫର୍ଡିନାଣ୍ଡ ମାର୍କୋସ୍ ଜୁନିୟରଙ୍କ ସରକାରଙ୍କ ବିରୋଧରେ ସ୍ଲୋଗାନ ଦେଇଥିଲେ।
ଏହି ପ୍ରତିବାଦରେ ଯୁବ ରାଜନୈତିକ ଦଳ ‘କାବାତାନ୍’ର ପ୍ରତିନିଧି ରେନି କୋ ମଧ୍ୟ ସାମିଲ ହୋଇଥିଲେ। ସେ ଟ୍ରମ୍ପଙ୍କ ବୈଦେଶିକ ନୀତିକୁ ସମାଲୋଚନା କରି କହିଥିଲେ ଯେ, ନିଜର ଯୁଦ୍ଧ ଜାରି ରଖିବା ପାଇଁ ଟ୍ରମ୍ପ ବିଶ୍ୱର ସମ୍ବଳକୁ ବ୍ୟବହାର କରିଛନ୍ତି।
