ପରବର୍ତ୍ତୀ ମ୍ୟାଚରେ ନୂତନ ଜର୍ସି ପିନ୍ଧି ଖେଳିବ ଗୁଜରାଟ୍ ଟାଇଟନ୍ସ, ଏହା ପଛର କାରଣ କ’ଣ ?
ନୂଆଦିଲ୍ଲୀ: ଶୁକ୍ରବାର ମୁମ୍ବାଇ ଇଣ୍ଡିଆନ୍ସ ବିପକ୍ଷରେ ଗୁଜରାଟ୍ ଟାଇଟନ୍ସକୁ ପରାଜୟର ମୁହଁ ଦେଖିବାକୁ ମିଳିଛି। ଏବେ ଗୁଜରାଟ୍ ନିଜର ହୋମ ଗ୍ରାଉଣ୍ଡରେ ପରବର୍ତ୍ତୀ ମ୍ୟାଚ୍ ଖେଳିବ। ହାର୍ଦ୍ଦିକ ପାଣ୍ଡ୍ୟାଙ୍କ ନେତୃତ୍ଵାଧୀନ ଦଳ ସୋମବାର ଆଗାମୀ ମ୍ୟାଚରେ ହାଇଦ୍ରାବାଦକୁ ଭେଟିବ। ଏହି ମ୍ୟାଚରେ ଗୁଜରାଟ୍ ଟାଇଟନ୍ସ ନିଜର ପରମ୍ପରାଗତ ନୀଳ ଜର୍ସିରେ ନଜର ଆସିବ ନାହିଁ। ଏକ ଖାସ୍ କାରଣରୁ ଦଳ ନୂତନ ରଙ୍ଗର ଜର୍ସି ପିନ୍ଧି ମଇଦାନକୁ ଓହ୍ଲାଇବ।
ସୋମବାର ସନରାଇଜର୍ସ ହାଇଦ୍ରାବାଦ ବିପକ୍ଷ ମୁକାବିଲାରେ ଦଳ ଲେଭେଣ୍ଡର ରଙ୍ଗର ଜର୍ସି ପିନ୍ଧି ମଇଦାନକୁ ଓହ୍ଲାଇବ। ଏହା ପଛର କାରଣ ଦଳ କ୍ୟାନ୍ସର ବିରୋଧରେ ଜନସଚେତନତା ଅଭିଯାନ ଚଲାଇବାକୁ ଚାହୁଁଛି। ଏହି ବିଶେଷ କାରଣରୁ ଦଳ ନିଜର ପରବର୍ତ୍ତୀ ହାଇଦ୍ରାବାଦ ବିପକ୍ଷ ମୁକାବିଲାରେ ଏହି ରଙ୍ଗର ପୋଷାକ ପିନ୍ଧିବ।
We are ready to don the lavender colours this Monday for a special cause 💜
— Gujarat Titans (@gujarat_titans) May 13, 2023
Gujarat Titans cares about the health and wellness of one and all! Join us as we strive to raise awareness against cancer 🙌#GTvSRH | #AavaDe | #TATAIPL 2023 pic.twitter.com/0yBytStHjR
ଗୁଜରାଟ୍ ଟାଇଟନ୍ସ ନୂତନ ରଙ୍ଗ ଜର୍ସିର ଅନାବରଣ କରି ସାରିଛି ଏବଂ ଟୁଇଟରେ ଏହାର ସୂଚନା ଦିଆଯାଇଛି। ଏଥିରେ ନୂତନ ଜର୍ସି ପିନ୍ଧିବାର କାରଣ ମଧ୍ୟ ଉଲ୍ଲେଖ ରହିଛି। ଗୁଜରାଟ୍ ଟାଇଟନ୍ସ ସମସ୍ତ ସ୍ଵାସ୍ଥ୍ୟଗତ ସମସ୍ୟାକୁ ଗୁରୁତ୍ଵ ଦେଇଥାଏ। ତେଣୁ ଦଳ କ୍ୟାନ୍ସର ବିରୋଧରେ ଜନ ସଚେତନତା ବଢାଇବାକୁ ଉଦ୍ୟମ କରୁଛି। ହେଲେ ଗତ ବର୍ଷ ଗୁଜରାଟ୍ ଏହି ଧରଣର କୌଣସି କ୍ୟାମ୍ପେନ କରିନଥିଲା।
ଦଳର ପ୍ରଦର୍ଶନ ଉପରେ ନଜର ପକାଇଲେ ଆଇପିଏଲ ୨୦୨୩ରେ ଗୁଜରାଟ୍ ଟାଇଟନ୍ସ ଚମ୍ପିଆନ ପରି ଖେଳି ଆସିଛି। ୨୦୨୨ର ଚମ୍ପିଆନ ଏହି ଦଳ ଏଥର ମଧ୍ୟ ପଏଣ୍ଟ ଟେବୁଲର ଶୀର୍ଷରେ ରହିଛି। ଦଳ ସର୍ବ ପ୍ରଥମେ ୧୬ ପଏଣ୍ଟ ହାସଲ କରି ପ୍ରାୟତଃ ପ୍ଲେ ଅଫ ପାଇଁ ଯୋଗ୍ୟତା ଅର୍ଜନ କରି ସାରିଛି।
