ଲାଇଭ ଟିଭିରେ ଆଙ୍କରଙ୍କୁ ପ୍ରପୋଜ କଲେ WCL ମାଲିକ
ନୂଆଦିଲ୍ଲୀ: ଯେତେବେଳେ ବି କ୍ରୀଡା ଏବଂ ଗ୍ଲାମର ଦୁନିଆ ଏକାଠି ହୁଅନ୍ତି, ପ୍ରାୟତଃ କିଛି ମୁହୂର୍ତ୍ତ ଭାଇରାଲ ହୁଏ। କ୍ରିକେଟ ଲିଗ୍ WCL 2025 ର ଫାଇନାଲ ସମୟରେ ମଧ୍ୟ ଏପରି କିଛି ଘଟିଥିଲା, ଯେଉଁଠାରେ ମ୍ୟାଚ୍ ବହୁତ ଭଲ ଥିଲା, କିନ୍ତୁ ଆଙ୍କର ତଥା ମଡେଲ କରିଶ୍ମା କୋଟକ ଚର୍ଚ୍ଚାକୁ ଆସିଛନ୍ତି।
କାରଣ ତାଙ୍କୁ ଲାଇଭ୍ ଟେଲିଭିଜନରେ ବିବାହ ପ୍ରସ୍ତାବ ମିଳିଥିଲା। WCL ଫାଇନାଲ ପରେ ଯେତେବେଳେ ଆଙ୍କର କରିଶ୍ମା କୋଟକ ଟୁର୍ନାମେଣ୍ଟ ମାଲିକ ହର୍ଷିତ ତୋମରଙ୍କ ସାକ୍ଷାତକାର ନେଉଥିଲେ, କଥାବାର୍ତ୍ତା ଶେଷରେ ସେ ଏକ ସାଧାରଣ ପ୍ରଶ୍ନ ପଚାରିଥିଲେ, ‘ଏବେ ଟୁର୍ନାମେଣ୍ଟ ଶେଷ ହୋଇଛି, ତୁମେ କିପରି ସେଳିବ୍ରେଟ କରିବ?’ ହର୍ଷିତଙ୍କ ଏହି ଉତ୍ତର ଶୁଣି ସମସ୍ତେ ଆଶ୍ଚର୍ଯ୍ୟ ହୋଇଯାଇଥିଲେ। କରିଶ୍ମା ନିଜେ ତାଙ୍କ ଉତ୍ତରରେ ଆଶ୍ଚର୍ଯ୍ୟ ହୋଇଯାଇଥିଲେ। ହର୍ଷିତ ହସି ହସି କହିଥିଲେ, ‘ହୁଏତ ଏବେ ସବୁକିଛି ଶେଷ ହୋଇଗଲାଣି, ମୁଁ ତୁମକୁ ପ୍ରପୋଜ୍ କରିବି।’
ହର୍ଷିତ ତୋମରଙ୍କ ଏହି କଥାରେ କରିଶ୍ମା ବହୁତ ଅସହଜ ହୋଇଯାଇଥିଲେ। କରିଶ୍ମା ପ୍ରଥମେ ଚକିତ ହୋଇଯାଇଥିଲେ। କିନ୍ତୁ ତା’ପରେ ତୁରନ୍ତ ପ୍ରଫେସନାଲ ଭାବେ ସେ ସାକ୍ଷାତକାର ଶେଷ କରିଥିଲେ। ତେବେ କ୍ୟାମେରାରେ କଏଦ ଏହି ମୁହୂର୍ତ୍ତଟି କିଛି ସମୟ ମଧ୍ୟରେ ସୋସିଆଲ ମିଡିଆରେ ଭାଇରାଲ ହୋଇଥିଲା।
