ଦେଶର ୫୩ତମ ପ୍ରଧାନ ବିଚାରପତି ହେଲେ ଜଷ୍ଟିସ ସୂର୍ଯ୍ୟକାନ୍ତ, ଶପଥ ପାଠ କରାଇଲେ ରାଷ୍ଟ୍ରପତି
ନୂଆଦିଲ୍ଲୀ: ଜଷ୍ଟିସ ସୂର୍ଯ୍ୟକାନ୍ତ ଆଜି ଭାରତର ୫୩ତମ ପ୍ରଧାନ ବିଚାରପତି (ସିଜେଆଇ) ଭାବରେ ଶପଥ ଗ୍ରହଣ କରିଛନ୍ତି। ସିଜେଆଇ ଭାବରେ ତାଙ୍କର କାର୍ଯ୍ୟକାଳ ୧୪ ମାସ ପାଇଁ ରହିବ। ସେ ସିଜେଆଇ ଭୂଷଣ ଆର. ଗଭାଇଙ୍କ ସ୍ଥାନରେ କାର୍ଯ୍ୟ କରିବେ। ରାଷ୍ଟ୍ରପତି ଦ୍ରୌପଦୀ ମୁର୍ମୁ ଜଷ୍ଟିସ ସୂର୍ଯ୍ୟକାନ୍ତଙ୍କୁ ଶପଥ ପାଠ କରାଇଛନ୍ତି।
ସିଜେଆଇ ଭୂଷଣ ଆର. ଗଭାଇ ସମ୍ବିଧାନର ଧାରା ୧୨୪ର ଧାରା ୨ ଅନୁଯାୟୀ ପରବର୍ତ୍ତୀ ସିଜେଆଇ ପଦ ପାଇଁ ଜଷ୍ଟିସ ସୂର୍ଯ୍ୟକାନ୍ତଙ୍କୁ ମନୋନୀତ କରିଥିଲେ। ରାଷ୍ଟ୍ରପତି ଏହାକୁ ଅନୁମୋଦନ କରିଥିଲେ।
ସିଜେଆଇ ଗଭାଇ ୬୫ ବର୍ଷ ବୟସରେ ପହଞ୍ଚିଛନ୍ତି। ଯାହାର ଅର୍ଥ ସେ ଏବେ ଅବସର ନେବେ। ତେବେ ସିଜେଆଇ ପଦ ଛାଡିବା ପୂର୍ବରୁ ସେ ସର୍ବୋଚ୍ଚ ନ୍ୟାୟାଳୟର ସବୁଠାରୁ ବରିଷ୍ଠ ବିଚାରପତିଙ୍କୁ ପରବର୍ତ୍ତୀ ସିଜେଆଇ ଭାବରେ ନିଯୁକ୍ତ କରିବାର ପରମ୍ପରା ଜାରି ରଖିଥିଲେ। ଏବଂ ଜଷ୍ଟିସ ସୂର୍ଯ୍ୟକାନ୍ତଙ୍କୁ ତାଙ୍କର ଉତ୍ତରାଧିକାରୀ ଭାବରେ ବାଛିଥିଲେ।
