ଶେଷରେ ମୁହଁ ଖୋଲିଲେ ଅଧିନାୟକ ଶୁବମନ ଗିଲ; କହିଲେ ପରାଜୟର ଅସଲ କାରଣ
ନୂଆଦିଲ୍ଲୀ,୨୭।୧୧: ମୁହଁ ଖୋଲିଛନ୍ତି ଅଧିନାୟକ ଶୁବମନ ଗିଲ | ତାଙ୍କର ବେକରେ ଆଘାତ ପାଇଁ ସେ ଏହି ଦ୍ୱିତୀୟ ଟେଷ୍ଟ ଖେଳିପାରି ନଥିଲେ | ଦକ୍ଷିଣ ଆଫ୍ରିକାଠାରୁ ୦-୨ରେ ସିରିଜ ହାରିବା ପରେ ସେ ତାଙ୍କର ମନ୍ତବ୍ୟ ରଖିଛନ୍ତି | ସେ ଏକତା ପ୍ରଦର୍ଶନ କରି କହିଛନ୍ତି, ପରାଜୟ ହେବା ପରେ ମଧ୍ୟ ଦଳ ଆହୁରି ଶକ୍ତିଶାଳୀ ହେବ। ଏହି ଦୁଇ ଟେଷ୍ଟ ବିଶିଷ୍ଟ ସିରିଜ ଭାରତ ପାଇଁ ବହୁତ ଅପମାନଜନକ ଥିଲା। ଦକ୍ଷିଣ ଆଫ୍ରିକା କୋଲକାତାରେ ପ୍ରଥମ ଟେଷ୍ଟରେ ଆୟୋଜକ ଦଳ ୩୦ ରନରେ ପରାସ୍ତ ହୋଇଥିଲା |ସେହିଭଳି ଭାବରେ ଗୌହାଟୀରେ ଦ୍ୱିତୀୟ ଟେଷ୍ଟରେ ୪୦୮ ରନରେ ପରାସ୍ତ କରି କ୍ଲିନ ସୁଇପ କରିଥିଲା। ଏହା ୨୫ ବର୍ଷ ମଧ୍ୟରେ ଭାରତୀୟ ମାଟିରେ ଦକ୍ଷିଣ ଆଫ୍ରିକାର ପ୍ରଥମ ବିଜୟ। ଏହି ପରାଜୟ ଦଳର ପ୍ରଦର୍ଶନ ଏବଂ ନେତୃତ୍ୱକୁ ସମାଲୋଚନା କରିଥିଲା | ପ୍ରଶଂସକମାନେ କୋଚ ଗୌତମ ଗମ୍ଭୀରଙ୍କୁ ମଧ୍ୟ ଟାର୍ଗେଟ୍ କରିଥିଲେ।
ଗିଲ ତାଙ୍କ ସୋସିଆଲ ମିଡ଼ିଆ ଆକାଉଣ୍ଟରେ ଲେଖିଛନ୍ତି, ” ଶାନ୍ତ ସମୁଦ୍ର ତୁମକୁ କିପରି ଗତି କରିବାକୁ ହୁଏ ତାହା ଶିଖାଏ ନାହିଁ, କିନ୍ତୁ ଝଡ଼ ତୁମକୁ ଅଧିକ ଶକ୍ତିଶାଳୀ କରିଥାଏ “। ଆମେ ପରସ୍ପର ଉପରେ ନିର୍ଭର କରି ଚାଲିବୁ | ପରସ୍ପର ପାଇଁ ଲଢ଼ିବୁ ଏବଂ ଆଗକୁ ବଢ଼ିବୁ, ଆହୁରି ଦୃଢ଼ ଏବଂ ଶକ୍ତିଶାଳୀ ହେବୁ।
ଗୌହାଟୀ ଟେଷ୍ଟରେ ଦକ୍ଷିଣ ଆଫ୍ରିକା ଆରମ୍ଭରୁ ହିଁ ନିଜର ପ୍ରାଧାନ୍ୟ ବିସ୍ତାର ଲାଭ କରିଥିଲା। ଦକ୍ଷିଣ ଆଫ୍ରିକା ଟିମ ଇଣ୍ଡିଆ ପାଇଁ ୫୪୯ ରନର ଲକ୍ଷ୍ୟ ରଖିଥିଲା। ଏହାର ଜବାବରେ ଭାରତୀୟ ବ୍ୟାଟିଂ ମାତ୍ର ୧୪୦ ରନରେ ଅଲଆଉଟ ହୋଇଯାଇଥିଲା। ମାର୍କୋ ଜାନସେନ ଏହି ମ୍ୟାଚ୍ରେ ଟିମ ଇଣ୍ଡିଆ ପାଇଁ ସବୁଠାରୁ ବଡ଼ ଖଳନାୟକ ପ୍ରମାଣିତ ହୋଇଥିଲେ। ପ୍ରଥମ ଇନିଂସରେ ୯୩ ରନ କରିବା ସହିତ ୬ଟି ଉଇକେଟ ନେଇଥିଲେ। ଏହି ମ୍ୟାଚ୍ରେ ଏଡେନ ମାର୍କରାମ ମୋଟ ୯ଟି କ୍ୟାଚ ନେଇଥିଲେ, ଯାହା ଗୋଟିଏ ଟେଷ୍ଟ ମ୍ୟାଚ୍ରେ ଜଣେ ଫିଲ୍ଡରଙ୍କ ଦ୍ୱାରା ସର୍ବାଧିକ।
