Tiger Shroff Firing Video: ଗୁଳିମାଡ଼ ପରେ ନିଜେ କାର୍ ଚଳାଇ ପଳାଇଲେ ଟାଇଗର, ଭାଇରାଲ୍ ଭିଡିଓରେ ଆତଙ୍କର ଦୃଶ୍ୟ
ବଲିଉଡ୍ ଅଭିନେତା ଟାଇଗର ଶ୍ରଫ୍ଙ୍କ କାର୍ ଉପରେ ମୁମ୍ବାଇର ଜୁହୁ ଅଞ୍ଚଳରେ ଗୁଳିମାଡ଼ ଘଟଣା ପରେ ଏକ ନୂଆ ଭିଡିଓ ସାମ୍ନାକୁ ଆସିଛି। ଫ୍ୟାନ୍ ତଥା ଭ୍ଲଗର୍ ସଲମା ଶେଖ୍ଙ୍କ ଦ୍ୱାରା ରେକର୍ଡ ହୋଇଥିବା ଏହି ଭିଡିଓରେ ଘଟଣାସ୍ଥଳରେ ଲୋକଙ୍କ ମଧ୍ୟରେ ଆତଙ୍କ ଓ ହଟ୍ଟଗୋଳ ଦେଖିବାକୁ ମିଳିଛି। ଭିଡିଓରେ ଗୁଳି ଚାଲିବାର ଦୃଶ୍ୟ ନଥିଲେ ମଧ୍ୟ ପଛପଟେ ଗୁଳି ଶବ୍ଦ ଶୁଣିବାକୁ ମିଳୁଛି।
ଭିଡିଓ ରେକର୍ଡ କରୁଥିବା ସମୟରେ ସଲମା ଶେଖ୍ ଟାଇଗରଙ୍କ ପାଇଁ ସହାୟତା ମାଗୁଥିବା ଶୁଣାଯାଉଛି। “ଟାଇଗର ବେଟା ପର୍ ଗୋଲି ଚଲା ଦି” ବୋଲି କହି ସେ ଘଟଣାକୁ ନେଇ ଚିନ୍ତା ପ୍ରକାଶ କରୁଛନ୍ତି। ଭିଡିଓର ଏକ ଦୃଶ୍ୟରେ ଟାଇଗର ନିଜ ଧୂସର ରଙ୍ଗର କାର୍ର ଡ୍ରାଇଭର ସିଟ୍ରେ ବସି ଗାଡ଼ି ଚଳାଇ ଘଟଣାସ୍ଥଳ ଛାଡ଼ୁଥିବା ଦେଖାଯାଉଛି। କାର୍ ନିକଟରେ ଓ ରାସ୍ତା ଉପରେ ରକ୍ତ ଦାଗ ମଧ୍ୟ ଦେଖାଯାଉଥିବା ରିପୋର୍ଟରେ ଉଲ୍ଲେଖ ରହିଛି।
ରିପୋର୍ଟ ଅନୁସାରେ, ରବିବାର ସନ୍ଧ୍ୟାରେ ଫୁଟ୍ବଲ୍ ଖେଳି ସାରି ଫେରୁଥିବା ବେଳେ ଟାଇଗରଙ୍କ କାର୍ ଉପରକୁ ତିନିରୁ ଚାରି ରାଉଣ୍ଡ ଗୁଳି ଚଳାଯାଇଥିଲା। ଏହି ଘଟଣାରେ ଟାଇଗର ଆହତ ହୋଇନଥିବା ବେଳେ ତାଙ୍କ ଡ୍ରାଇଭର ଆହତ ହୋଇ ହସ୍ପିଟାଲ୍ରେ ଭର୍ତ୍ତି ହୋଇଥିବା ସୂଚନା ମିଳିଛି।
