ରୁଷ ରାଷ୍ଟ୍ରପତିଙ୍କୁ ଭଗବଦ୍ ଗୀତା ଗିଫ୍ଟ ଦେଲେ ପ୍ରଧାନମନ୍ତ୍ରୀ ମୋଦି…
ନୂଆଦିଲ୍ଲୀ: ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନ ବର୍ତ୍ତମାନ ଦୁଇ ଦିନିଆ ଭାରତ ଗସ୍ତରେ ଅଛନ୍ତି। ସେ ଗୁରୁବାର ଦିନ ତାଙ୍କ ସ୍ୱତନ୍ତ୍ର ବିମାନରେ ଦିଲ୍ଲୀରେ ପହଞ୍ଚିଥିଲେ। ଏହି ଅବସରରେ ପ୍ରଧାନମନ୍ତ୍ରୀ ମୋଦି ପ୍ରୋଟୋକଲ ଭାଙ୍ଗି ରୁଷ ରାଷ୍ଟ୍ରପତିଙ୍କୁ ସ୍ୱାଗତ କରିଥିଲେ।
ଗୁରୁବାର ଦିନ ପ୍ରଧାନମନ୍ତ୍ରୀ ମୋଦି ରୁଷ ରାଷ୍ଟ୍ରପତିଙ୍କୁ ଭଗବଦ୍ ଗୀତାର ଏକ ରୁଷୀୟ ଅନୁବାଦ ପ୍ରଦାନ କରିଥିଲେ। ପ୍ରଧାନମନ୍ତ୍ରୀ ମୋଦି ସୋସିଆଲ ମିଡିଆ ପ୍ଲାଟଫର୍ମ ଇନଷ୍ଟାଗ୍ରାମରେ ଲେଖିଛନ୍ତି ଯେ ସେ ରୁଷୀୟ ଭାଷାରେ ଗୀତାର ଏକ କପି ପ୍ରଦାନ କରିଛନ୍ତି। ସେ ଆହୁରି ଲେଖିଛନ୍ତି ଯେ ଗୀତାର ଶିକ୍ଷା ବିଶ୍ୱର ଲକ୍ଷ ଲକ୍ଷ ଲୋକଙ୍କୁ ପ୍ରେରଣା ଦିଏ।ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କୁ ଭାରତରେ ଭବ୍ୟ ସ୍ୱାଗତ କରାଯାଇଥିଲା। ପ୍ରଧାନମନ୍ତ୍ରୀ ମୋଦିଙ୍କ ଭାରତ ଆଗମନ ସମ୍ପର୍କରେ କ୍ରେମଲିନ ଏକ ବିବୃତ୍ତି ଜାରି କରିଥିଲା।
ରୁଷ ରାଷ୍ଟ୍ରପତିଙ୍କ କାର୍ଯ୍ୟାଳୟ କହିଛି ଯେ ପ୍ରଧାନମନ୍ତ୍ରୀଙ୍କ ବିମାନ ନିକଟକୁ ଯାଇ ରୁଷ ରାଷ୍ଟ୍ରପତିଙ୍କୁ ଭେଟିବାର ନିଷ୍ପତ୍ତି ଅପ୍ରତ୍ୟାଶିତ ଥିଲା। ରୁଷ ଅଧିକାରୀମାନଙ୍କୁ ଏହା ପୂର୍ବରୁ ଜଣାଯାଇନଥିଲା। ଉଲ୍ଲେଖନୀୟ ଯେ ୨୦୨୨ ମସିହାରେ ୟୁକ୍ରେନ ସହିତ ଯୁଦ୍ଧ ଆରମ୍ଭ ହେବା ପରଠାରୁ ରୁଷ ରାଷ୍ଟ୍ରପତି ପୁଟିନ ପ୍ରଥମ ଥର ପାଇଁ ଭାରତ ଗସ୍ତରେ ଆସୁଛନ୍ତି। ପୁଟିନଙ୍କୁ ସ୍ୱାଗତ କରିବା ପରେ ପ୍ରଧାନମନ୍ତ୍ରୀ ମୋଦୀ ଇନଷ୍ଟାଗ୍ରାମରେ ଲେଖିଛନ୍ତି ଯେ ସେ ତାଙ୍କ ବନ୍ଧୁ ରାଷ୍ଟ୍ରପତି ପୁଟିନଙ୍କୁ ସ୍ୱାଗତ କରି ଖୁସି। “ମୁଁ ଦୁଇ ଦେଶ ମଧ୍ୟରେ ବୈଠକ ପାଇଁ ଅପେକ୍ଷା କରିଛି। ଭାରତ ଏବଂ ରୁଷ ମଧ୍ୟରେ ବନ୍ଧୁତା ସର୍ବଦା ଉଭୟ ଦେଶକୁ ଲାଭ ଦେଇଛି।”
