ଆସାମରେ ମୋହନ ମାଝୀଙ୍କ ଜୋରଦାର ପ୍ରଚାର
ଆସାମ, 6|4: ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଆସାମରେ ଜୋରଦାର ନିର୍ବାଚନ ପ୍ରଚାର କରିଛନ୍ତି । ବର୍ତ୍ତମାନ ଆସାମରେ ଚାଲିଥିବା ନିର୍ବାଚନ ପାଇଁ ଭାଜପା ପକ୍ଷରେ ପ୍ରଚାର କରିଛନ୍ତି । ମୁଖ୍ୟମନ୍ତ୍ରୀ ଦୁଇ ଦିନିଆ ଗସ୍ତରେ ଆସାମ ପହଞ୍ଚି ବିଭିନ୍ନ ସ୍ଥାନରେ ସଭା ଓ ରାଲିରେ ଯୋଗଦେଇଥିଲେ । ଜୋରହାଟ ବିମାନବନ୍ଦରରେ ପହଞ୍ଚି ପ୍ରଥମେ ସୋନାରି ବିଧାନସଭା ଅଞ୍ଚଳରେ ଏକ ବଡ଼ ନିର୍ବାଚନୀ ସଭାକୁ ସମ୍ବୋଧନ କରିଥିଲେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ସେଠାରେ ସେ ଦଳୀୟ ପ୍ରାର୍ଥୀଙ୍କ ପକ୍ଷରେ ଭୋଟ ଦେବାକୁ ଲୋକଙ୍କୁ ଆହ୍ୱାନ କରିଥିଲେ।
ଏହାଛଡ଼ା ସେ ଆସାମର ଅନ୍ୟାନ୍ୟ ଅଞ୍ଚଳରେ ମଧ୍ୟ ପ୍ରଚାର କରି ଦଳର କାର୍ଯ୍ୟକର୍ତ୍ତା ଓ ସାଧାରଣ ଲୋକଙ୍କ ସହିତ ଭେଟ କରିଥିଲେ । ମୁଖ୍ୟମନ୍ତ୍ରୀ ମୋହନ ଚରଣ ମାଝୀ କହିଥିଲେ ଯେ, ‘ଭାରତୀୟ ଜନତା ପାର୍ଟି ଦେଶର ବିକାଶ ପାଇଁ କାମ କରୁଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ମୁଖ୍ୟମନ୍ତ୍ରୀ ହିମନ୍ତ ବିଶ୍ବ ଶର୍ମାଙ୍କ ନେତୃତ୍ବରେ ଆସାମର ପ୍ରତ୍ୟେକ ବର୍ଗର ଲୋକଙ୍କ ହିତ ସାଧିତ ହେଉଛି । ଗରିବ କଲ୍ୟାଣ ଓ ବିକାଶ କ୍ଷେତ୍ରରେ ଆସାମରେ ବିଜେପି ସରକାର ବହୁତ କିଛି କରିଛନ୍ତି। ଆମକୁ ଜିତାଇବା ପାଇଁ ଶ୍ରୀ ବିଶ୍ବ ଶର୍ମା ୨୦୨୪ ନିର୍ବାଚନରେ ଓଡ଼ିଶାରେ ପ୍ରଚାର କରିଥିଲେ । ଏଥର ତାଙ୍କୁ ଜିତାଇବା ପାଇଁ ମୁଁ ଏଠାକୁ ପ୍ରଚାର ପାଇଁ ଆସିଛି ।’ବିଜେପି ପାଇଁ ଆସାମରେ ସମର୍ଥନ ବଢ଼ିବାରେ ଲାଗୁଛି, କ’ଣ ପୁଣି ଶାସନକୁ ଫେରିବ ଡବଲ ଇଞ୍ଜିନ୍ ସରକାର?
