ଶାଶୂଘର ନିର୍ଯାତନାରୁ କମନୱେଲ୍ଥ ସ୍ୱର୍ଣ୍ଣ ପଦକ ପ୍ରାପ୍ତ ପର୍ଯ୍ୟନ୍ତ; ସଂଘର୍ଷର ନୂଆ ଇତିହାସ ଲେଖିଲେ ଶର୍ମିଲା ଧନକର!
ନୂଆଦିଲ୍ଲୀ: ସ୍କଟଲ୍ୟାଣ୍ଡର ଗ୍ଲାସଗୋରେ ଚାଲିଥିବା ୨୦୨୬ କମନୱେଲ୍ଥ ଗେମ୍ସରେ ଭାରତ ପାଇଁ ଗୌରବ ଆଣିଛନ୍ତି ପାରା ଆଥଲେଟ୍ ଶର୍ମିଲା ଧନକର। ମହିଳା F57 ସଟପୁଟ୍ ବର୍ଗରେ ୯.୮୧ ମିଟରର ସିଜନର ସର୍ବଶ୍ରେଷ୍ଠ ଥ୍ରୋ କରି ସେ ସ୍ୱର୍ଣ୍ଣ ପଦକ ଜିତିଛନ୍ତି। ଏହି ସଫଳତା ସହ ଭାରତର ପଦକ ସଂଖ୍ୟା ୮ରେ ପହଞ୍ଚିଥିବା ବେଳେ ରାଜ୍ୟଗୋଷ୍ଠୀ କ୍ରୀଡାରେ ପାରା ଆଥଲେଟିକ୍ସରେ ୨୦ ବର୍ଷ ପରେ ଦେଶକୁ ସ୍ୱର୍ଣ୍ଣ ପଦକ ମିଳିଛି।
ଶର୍ମିଲାଙ୍କ ଏହି ସଫଳତା ପଛରେ ରହିଛି ଦୀର୍ଘ ସଂଘର୍ଷର କାହାଣୀ। ବ୍ୟକ୍ତିଗତ ଜୀବନରେ ସେ ଯୌତୁକ ନିର୍ଯାତନା ଓ ଶାଶୂଘରର ମାନସିକ ଚାପର ସମ୍ମୁଖୀନ ହୋଇଥିଲେ। କଠିନ ପରିସ୍ଥିତି ସତ୍ତ୍ୱେ ସେ ହାର ନମାନି ନିଜ ଲକ୍ଷ୍ୟ ଉପରେ ଅଟଳ ରହିଥିଲେ। ନିରନ୍ତର ପରିଶ୍ରମ ଓ ଦୃଢ଼ ମନୋବଳ ତାଙ୍କୁ ବିଶ୍ୱସ୍ତରରେ ସଫଳତାର ଶିଖରକୁ ପହଞ୍ଚାଇଛି।
୨୦୨୬ କମନୱେଲ୍ଥ ଗେମ୍ସରେ ପାରା ଆଥଲେଟିକ୍ସରେ ସ୍ୱର୍ଣ୍ଣ ପଦକ ଜିତିବାରେ ଶର୍ମିଲା ଧନକର ପ୍ରଥମ ଭାରତୀୟ ହୋଇଛନ୍ତି। ତାଙ୍କ ଏହି ସଫଳତା କେବଳ ଦେଶ ପାଇଁ ଗୌରବ ନୁହେଁ, ବରଂ ବିପରୀତ ପରିସ୍ଥିତିରେ ସଂଘର୍ଷ କରୁଥିବା ଅନେକ ମହିଳାଙ୍କ ପାଇଁ ଏକ ପ୍ରେରଣାଦାୟକ ଉଦାହରଣ ହୋଇଛି।
