Kerala Crime: ୧୧ରୁ ୧୩ ବର୍ଷ ବୟସ ମଧ୍ୟରେ ନାବାଳକଙ୍କୁ ବାରମ୍ବାର ଯୌନ ନିର୍ଯାତନା ଅଭିଯୋଗ, ଶିକ୍ଷକ ଗିରଫ
କେରଳମ: କେରଳରେ ଜଣେ ନାବାଳକଙ୍କୁ ବାରମ୍ବାର ଯୌନ ନିର୍ଯାତନା କରିଥିବା ଅଭିଯୋଗରେ ଜଣେ ଶିକ୍ଷକଙ୍କୁ ପୁଲିସ ଗିରଫ କରିଛି। ପୀଡ଼ିତ ନାବାଳକଙ୍କ ଅଭିଯୋଗ ଅନୁସାରେ, ସେ ୧୧ରୁ ୧୩ ବର୍ଷ ବୟସ ମଧ୍ୟରେ ଥିବା ସମୟରେ ଅଭିଯୁକ୍ତ ଶିକ୍ଷକ ତାଙ୍କ ସହ ବାରମ୍ବାର ଏଭଳି କାଣ୍ଡ ଘଟାଇଥିଲେ।
ଅଭିଯୋଗ ଅନୁସାରେ, ଘଟଣା ସମ୍ପର୍କରେ କାହାକୁ ଜଣାଇଲେ ଗୁରୁତର ପରିଣାମ ଭୋଗିବାକୁ ପଡ଼ିବ ବୋଲି ଶିକ୍ଷକ ନାବାଳକଙ୍କୁ ଧମକ ଦେଇଥିଲେ। ପରେ ନାବାଳକ ଘଟଣା ସମ୍ପର୍କରେ ଅଭିଯୋଗ କରିବା ପରେ ପୁଲିସ POCSO ଆଇନ ସମେତ ଅନ୍ୟ ସମ୍ପୃକ୍ତ ଧାରାରେ ମାମଲା ରୁଜୁ କରିଥିଲା।
ମାମଲା ରୁଜୁ ପରେ ପୁଲିସ ଅଭିଯୁକ୍ତ ଶିକ୍ଷକଙ୍କୁ ଗିରଫ କରିଥିଲା। ପରେ ତାଙ୍କୁ ଥାଲାସେରୀ POCSO କୋର୍ଟରେ ହାଜର କରାଯିବା ପରେ କୋର୍ଟ ତାଙ୍କୁ ୧୪ ଦିନ ପାଇଁ ନ୍ୟାୟିକ ହେପାଜତକୁ ପଠାଇଛନ୍ତି। ମାମଲାରେ ପୁଲିସର ତଦନ୍ତ ଜାରି ରହିଛି।
