Giorgia Meloni: ଇଟାଲୀର ସବୁଠାରୁ ଦୀର୍ଘକାଳୀନ ପ୍ରଧାନମନ୍ତ୍ରୀ ଭାବେ ଜିଓର୍ଜିଆ ମେଲୋନିଙ୍କ ରେକର୍ଡ! ବନ୍ଧୁଙ୍କୁ ଅଭିନନ୍ଦନ ଜଣାଇଲେ PM ମୋଦୀ
ନୂଆଦିଲ୍ଲୀ: ଇଟାଲୀର ପ୍ରଧାନମନ୍ତ୍ରୀ ଜିଓର୍ଜିଆ ମେଲୋନି ଦେଶର ଯୁଦ୍ଧ ପରବର୍ତ୍ତୀ ଇତିହାସରେ ସବୁଠାରୁ ଦୀର୍ଘ ସମୟ ଧରି କ୍ରମାଗତ ଭାବେ ପ୍ରଧାନମନ୍ତ୍ରୀ ପଦରେ ରହିବାର ରେକର୍ଡ କରିଛନ୍ତି। ଏହି ଉପଲବ୍ଧି ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ତାଙ୍କ ‘ବନ୍ଧୁ’ ମେଲୋନିଙ୍କୁ ଅଭିନନ୍ଦନ ଜଣାଇଛନ୍ତି। ମେଲୋନିଙ୍କ ନେତୃତ୍ୱ ପ୍ରତି ଇଟାଲୀବାସୀଙ୍କ ରହିଥିବା ଭରସା ଓ ବିଶ୍ୱାସକୁ ମଧ୍ୟ ପ୍ରଧାନମନ୍ତ୍ରୀ ମୋଦୀ ପ୍ରଶଂସା କରିଛନ୍ତି।
ପ୍ରଧାନମନ୍ତ୍ରୀ ମୋଦୀ ମେଲୋନିଙ୍କ ନେତୃତ୍ୱରେ ଇଟାଲୀର ଜନସାଧାରଣଙ୍କ ନିରନ୍ତର ସମର୍ଥନକୁ ଉଲ୍ଲେଖ କରିଛନ୍ତି। ତାଙ୍କ ଅନୁସାରେ, ଦୀର୍ଘ ସମୟ ଧରି ଦେଶର ନେତୃତ୍ୱ ଦେବା ମେଲୋନିଙ୍କ ପ୍ରତି ଇଟାଲୀବାସୀଙ୍କ ଭରସା ଓ ଆତ୍ମବିଶ୍ୱାସର ପ୍ରମାଣ। ମେଲୋନି ୨୦୨୨ ମସିହାରେ ଇଟାଲୀର ପ୍ରଧାନମନ୍ତ୍ରୀ ହୋଇଥିଲେ।
ଭାରତ ଓ ଇଟାଲୀ ମଧ୍ୟରେ ଦ୍ୱିପାକ୍ଷିକ ସମ୍ପର୍କକୁ ନେଇ ମଧ୍ୟ ମୋଦୀ ଓ ମେଲୋନିଙ୍କ ମଧ୍ୟରେ ଘନିଷ୍ଠ ସମ୍ପର୍କ ରହିଛି। ବିଭିନ୍ନ ଅନ୍ତର୍ଜାତୀୟ ମଞ୍ଚରେ ଉଭୟ ନେତାଙ୍କୁ ଏକାଠି ଦେଖିବାକୁ ମିଳିଛି। ମେଲୋନିଙ୍କ ଏହି ନୂଆ ରେକର୍ଡକୁ ନେଇ ମୋଦୀଙ୍କ ଅଭିନନ୍ଦନ ବାର୍ତ୍ତା ଉଭୟ ନେତାଙ୍କ ମଧ୍ୟରେ ରହିଥିବା ବନ୍ଧୁତ୍ୱପୂର୍ଣ୍ଣ ସମ୍ପର୍କକୁ ପୁଣି ଥରେ ସାମ୍ନାକୁ ଆଣିଛି।
