Chirag Paswan: ଚିରାଗ ପାସୱାନଙ୍କ ଦଳ ପକ୍ଷରୁ ସ୍ୱତନ୍ତ୍ର ଭରଦ୍ୱାଜଙ୍କ ବିରୋଧରେ ଦିଲ୍ଲୀ ପୁଲିସ ଥାନାରେ ଅଭିଯୋଗ
ବିହାର: ସ୍ୱତନ୍ତ୍ର ଭାରଦ୍ୱାଜଙ୍କ ବିରୋଧରେ ଦିଲ୍ଲୀ ପୁଲିସରେ ଅଭିଯୋଗ କରିଛି ଚିରାଗ ପାସୱାନଙ୍କ ଦଳ। ଏକ ଆକ୍ରମଣ ମାମଲାରେ ଭରଦ୍ୱାଜ ମିଥ୍ୟା ଭାବେ ଚିରାଗ ପାସୱାନଙ୍କ ନାଁ ବ୍ୟବହାର କରୁଥିବା ଅଭିଯୋଗ କରି ଦଳର ଆଇନ ପ୍ରକୋଷ୍ଠ ପକ୍ଷରୁ ପାର୍ଲାମେଣ୍ଟ ଷ୍ଟ୍ରିଟ୍ ଥାନାରେ ଏହି ଅଭିଯୋଗ ଦାଖଲ କରାଯାଇଛି। ସ୍ୱତନ୍ତ୍ର ଭରଦ୍ୱାଜଙ୍କୁ ନିଶୁ ଆଜାଦଙ୍କ ବାପାଙ୍କ ଉପରେ ଆକ୍ରମଣ ଅଭିଯୋଗରେ ଅଟକ ରଖାଯାଇଥିବା ସମୟରେ ଏହି ପଦକ୍ଷେପ ସାମ୍ନାକୁ ଆସିଛି।
ଦଳ ପକ୍ଷରୁ କୁହାଯାଇଛି ଯେ, ଚିରାଗ ପାସୱାନ କିମ୍ବା ତାଙ୍କ ଦଳର ସ୍ୱତନ୍ତ୍ର ଭରଦ୍ୱାଜଙ୍କ ସହ କୌଣସି ସମ୍ପର୍କ ନାହିଁ। ଭରଦ୍ୱାଜଙ୍କ ପକ୍ଷରୁ ସାର୍ବଜନୀନ ଭାବେ କରାଯାଉଥିବା ମିଥ୍ୟା ଦାବିରୁ ଦଳ ଓ ଚିରାଗ ପାସୱାନଙ୍କୁ ସୁରକ୍ଷା ଦେବାକୁ ପୁଲିସ ନିକଟରେ ଦାବି କରାଯାଇଛି। ଏହାସହ ନିଶୁ ଆଜାଦ ଓ ଆକ୍ରମଣରେ ଆହତ ତାଙ୍କ ବାପାଙ୍କ ସହ ଦଳ ଠିଆ ହୋଇଥିବା ମଧ୍ୟ କୁହାଯାଇଛି।
ସୂଚନାଯୋଗ୍ୟ, ଜନ୍ତର ମନ୍ତରରେ ହୋଇଥିବା ପ୍ରତିବାଦ ସମୟରେ ନିଶୁ ଆଜାଦଙ୍କ ବାପାଙ୍କୁ ଆକ୍ରମଣ କରାଯାଇଥିବା ନେଇ ସ୍ୱତନ୍ତ୍ର ଭରଦ୍ୱାଜଙ୍କ ବିରୋଧରେ ଅଭିଯୋଗ ହୋଇଥିଲା। ଏହି ଘଟଣାକୁ ନେଇ ଭରଦ୍ୱାଜଙ୍କୁ ଅଟକ ରଖାଯାଇଥିବା ବେଳେ, ଏବେ ଚିରାଗ ପାସୱାନଙ୍କ ଦଳ ପକ୍ଷରୁ ତାଙ୍କ ନାଁ ମିଥ୍ୟା ଭାବେ ବ୍ୟବହାର କରାଯାଉଥିବା ଅଭିଯୋଗ ମାମଲାକୁ ନୂଆ ମୋଡ଼ ଦେଇଛି।
