Dhaulpur Van Accident: ପୋଖରୀକୁ ଖସିଲା ଇକୋ ଭ୍ୟାନ୍, ୪ ଜଣଙ୍କ ମୃତ୍ୟୁ; ରେସ୍କ୍ୟୁ ଅପରେସନ୍ ଜାରି
ରାଜସ୍ଥାନ: ରାଜସ୍ଥାନର ଧୌଲପୁର ଜିଲ୍ଲାର ବନିଆପୁର ଥାନା ଅଞ୍ଚଳରେ ଘଟିଛି ଏକ ବଡ଼ ଦୁର୍ଘଟଣା। ଯାତ୍ରୀଙ୍କୁ ନେଇ ଯାଉଥିବା ଏକ ଇକୋ ଭ୍ୟାନ୍ ନିୟନ୍ତ୍ରଣ ହରାଇ ପୋଖରୀକୁ ଖସିପଡ଼ିଥିବା ଜଣାପଡ଼ିଛି। ଭ୍ୟାନ୍ରେ ମୋଟ ୧୧ ଜଣ ଥିବା ବେଳେ ଏହି ଦୁର୍ଘଟଣାରେ ୪ ଜଣଙ୍କ ମୃତ୍ୟୁ ଘଟିଛି।
ଘଟଣାର ସୂଚନା ପାଇବା ପରେ ପ୍ରଶାସନ ଓ ଉଦ୍ଧାରକାରୀ ଦଳ ତୁରନ୍ତ ଘଟଣାସ୍ଥଳରେ ପହଞ୍ଚିଛନ୍ତି। ପୋଖରୀରୁ ଭ୍ୟାନ୍ ଓ ଏଥିରେ ଥିବା ଲୋକଙ୍କୁ ବାହାର କରିବା ପାଇଁ ଜୋରଦାର ରେସ୍କ୍ୟୁ ଅପରେସନ୍ ଜାରି ରହିଛି। ଉଦ୍ଧାରକାରୀ ଦଳ ପୋଖରୀରେ ସନ୍ଧାନ ଜାରି ରଖିଛି।
ଦୁର୍ଘଟଣା ପରେ ବନିଆପୁର ଅଞ୍ଚଳରେ ଆତଙ୍କ ଓ ଅଫରାତଫରିର ମାହୋଲ ସୃଷ୍ଟି ହୋଇଛି। ଘଟଣାସ୍ଥଳରେ ପ୍ରଶାସନିକ ଅଧିକାରୀ ଓ ଉଦ୍ଧାରକାରୀ ଦଳ ଉପସ୍ଥିତ ରହି ସ୍ଥିତି ନିୟନ୍ତ୍ରଣ ସହ ଉଦ୍ଧାର କାର୍ଯ୍ୟ ଜାରି ରଖିଛନ୍ତି।
