Vijay Lookalike: ଉଡୁପି ଜନ୍ମାଷ୍ଟମୀରେ ଭାଇରଲ ହେଲା ବିଜୟଙ୍କ ଭଳି ଦେଖାଯାଉଥିବା ବ୍ୟକ୍ତିଙ୍କ ଡ୍ୟାନ୍ସ ଭିଡିଓ! ଜମିଲା ଲୋକଙ୍କ ଭିଡ଼
କର୍ଣ୍ଣାଟକ: କର୍ଣ୍ଣାଟକର ଉଡୁପିରେ ଶ୍ରୀକୃଷ୍ଣ ଜନ୍ମାଷ୍ଟମୀ ଓ ବିଠଳପିଣ୍ଡି ଉତ୍ସବ ସମୟରେ ଜଣେ ବ୍ୟକ୍ତି ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲେ। ତାଙ୍କ ଚେହେରା ତାମିଲନାଡୁର ମୁଖ୍ୟମନ୍ତ୍ରୀ ତଥା ଅଭିନେତା ବିଜୟଙ୍କ ସହ ବେଶ୍ ମେଳ ଖାଉଥିବାରୁ ଉତ୍ସବରେ ଉପସ୍ଥିତ ଲୋକେ ତାଙ୍କୁ ଦେଖି ଆଶ୍ଚର୍ଯ୍ୟ ହୋଇଥିଲେ। ତାଙ୍କ ଉପସ୍ଥିତି ଉତ୍ସବରେ ଏକ ଭିନ୍ନ ଆକର୍ଷଣ ସୃଷ୍ଟି କରିଥିଲା।
ରିପୋର୍ଟ ଅନୁସାରେ, ବିଜୟଙ୍କ ଭଳି ଦେଖାଯାଉଥିବା ଏହି ବ୍ୟକ୍ତି ଓପନ୍ ଗାଡ଼ିରେ ରଥବୀଥି ଅଞ୍ଚଳ ଦେଇ ଯାଇଥିଲେ। ତାଙ୍କ ସହ କଳା ପୋଷାକ ପିନ୍ଧିଥିବା କିଛି ବ୍ୟକ୍ତି ଥିବାରୁ ପୂରା ଦୃଶ୍ୟଟି ଏକ ଭିଆଇପି ଗସ୍ତ ଭଳି ଲାଗୁଥିଲା। ସେ ଲୋକଙ୍କ ଆଡ଼କୁ ହାତ ହଲାଇବା ସହ ଉତ୍ସବର ମାହୋଲରେ ନୃତ୍ୟ କରୁଥିବା ଦୃଶ୍ୟ ମଧ୍ୟ ଭାଇରାଲ ହୋଇଛି।
ଏହି ବ୍ୟକ୍ତିଙ୍କ ଚେହେରା, ହେୟାର୍ଷ୍ଟାଇଲ୍ ଓ ହାବଭାବ ବିଜୟଙ୍କ ସହ ମେଳ ଖାଉଥିବାରୁ ଅନେକ ଲୋକ ତାଙ୍କ ସହ ଫଟୋ ଉଠାଇବାକୁ ଆଗ୍ରହ ଦେଖାଇଥିଲେ। ଉଡୁପିର ଜନ୍ମାଷ୍ଟମୀ ଉତ୍ସବର ଭିଡ଼ ମଧ୍ୟରେ ଏହି ‘ବିଜୟ ଲୁକ୍ଆଲାଇକ୍’ଙ୍କ ଉପସ୍ଥିତି ଲୋକଙ୍କ ପାଇଁ ଚର୍ଚ୍ଚାର ବିଷୟ ପାଲଟିଥିବା ବେଳେ ତାଙ୍କ ଭିଡିଓ ଓ ଫଟୋ ସୋସିଆଲ ମିଡିଆରେ ମଧ୍ୟ ଧ୍ୟାନ ଆକର୍ଷଣ କରୁଛି।
