Balasore Orangutans: ବାଲେଶ୍ୱରରେ ଉଦ୍ଧାର ହେଲେ ୫ ଶିଶୁ ଓରାଙ୍ଗଉଟାନ୍, ୪ଟି ସୁସ୍ଥ
ବାଲେଶ୍ୱର: ବାଲେଶ୍ୱର ଜିଲ୍ଲାର ଏକ ଜଙ୍ଗଲ ଅଞ୍ଚଳରୁ ୫ଟି ଶିଶୁ ଓରାଙ୍ଗଉଟାନ୍ଙ୍କୁ ଉଦ୍ଧାର କରାଯାଇଛି। ଏହି ଘଟଣା ବନ ବିଭାଗ ସହ ସ୍ଥାନୀୟ ଅଞ୍ଚଳରେ ଚର୍ଚ୍ଚା ସୃଷ୍ଟି କରିଛି। ବାଲେଶ୍ୱର ବନ୍ୟଜନ୍ତୁ ବିଭାଗର ଡିଏଫଓ ପ୍ରତୀକ ପ୍ରକାଶ ଇନ୍ଦାଲକରଙ୍କ କହିବା ଅନୁସାରେ, ସମସ୍ତ ୫ଟି ଶିଶୁ ଓରାଙ୍ଗଉଟାନ୍ଙ୍କୁ ଉଦ୍ଧାର କରି ବନ ବିଭାଗ କାର୍ଯ୍ୟାଳୟକୁ ଅଣାଯାଇଛି। ସେଥିମଧ୍ୟରୁ ୪ଟି ସୁସ୍ଥ ଥିବାବେଳେ ପଶୁ ଚିକିତ୍ସକମାନେ ସେମାନଙ୍କ ସ୍ୱାସ୍ଥ୍ୟ ପରୀକ୍ଷା ଓ ଚିକିତ୍ସା କରୁଛନ୍ତି।
ଓରାଙ୍ଗଉଟାନ୍ ଭାରତର ସ୍ୱାଭାବିକ ବନ୍ୟପ୍ରାଣୀ ନୁହଁନ୍ତି। ସାଧାରଣତଃ ଇଣ୍ଡୋନେସିଆ ଓ ମାଲେସିଆର କିଛି ଅଞ୍ଚଳରେ ଏହି ପ୍ରଜାତି ଦେଖିବାକୁ ମିଳେ। ତେଣୁ ବାଲେଶ୍ୱର ଜଙ୍ଗଲରେ ୫ଟି ଓରାଙ୍ଗଉଟାନ୍ କିପରି ପହଞ୍ଚିଲେ, ତାହାକୁ ନେଇ ବନ ବିଭାଗ ତଦନ୍ତ ଆରମ୍ଭ କରିଛି। ଏହା ପଛରେ ବନ୍ୟଜନ୍ତୁ ଚୋରାଚାଲାଣର ସମ୍ଭାବନା ରହିଛି କି ନାହିଁ, ସେନେଇ ମଧ୍ୟ ଯାଞ୍ଚ କରାଯାଉଛି।
ବର୍ତ୍ତମାନ ଉଦ୍ଧାର ହୋଇଥିବା ଶିଶୁ ଓରାଙ୍ଗଉଟାନ୍ମାନେ ବନ ବିଭାଗର ନିରୀକ୍ଷଣରେ ରହିଛନ୍ତି। ସେମାନଙ୍କର ସମ୍ପୂର୍ଣ୍ଣ ସ୍ୱାସ୍ଥ୍ୟ ପରୀକ୍ଷା ପରେ ପରବର୍ତ୍ତୀ ପଦକ୍ଷେପ ନିଆଯିବ। ପ୍ରାଥମିକ ତଥ୍ୟ ଅନୁସାରେ, ସେମାନଙ୍କୁ ଭୁବନେଶ୍ୱରର ନନ୍ଦନକାନନ ପ୍ରାଣୀ ଉଦ୍ୟାନକୁ ସ୍ଥାନାନ୍ତର କରିବା ପାଇଁ ବ୍ୟବସ୍ଥା କରାଯାଉଛି।
