Vinesh Phogat: ବିଶ୍ୱ ଚାମ୍ପିଅନସିପ୍ ଟ୍ରାଏଲ୍ ପୂର୍ବରୁ ବିନେଶଙ୍କୁ ବଡ଼ ଝଟକା, ଆବେଦନ ଖାରଜ କଲେ ଦିଲ୍ଲୀ ହାଇକୋର୍ଟ
ନୂଆଦିଲ୍ଲୀ: ଅନ୍ତର୍ଜାତୀୟ କୁସ୍ତିକୁ ଫେରିବା ପାଇଁ ଭାରତୀୟ ଷ୍ଟାର କୁସ୍ତିଯୋଦ୍ଧା ବିନେଶ ଫୋଗାଟଙ୍କ ପ୍ରୟାସକୁ ବଡ଼ ଝଟକା ଲାଗିଛି। ୨୦୨୬ ସିନିୟର ବିଶ୍ୱ କୁସ୍ତି ଚାମ୍ପିଅନସିପ୍ ପାଇଁ ହେବାକୁ ଥିବା ଚୟନ ପରୀକ୍ଷାରେ ଭାଗ ନେବାକୁ ଅନୁମତି ମାଗି ବିନେଶ ଦିଲ୍ଲୀ ହାଇକୋର୍ଟରେ ଆବେଦନ କରିଥିଲେ। କିନ୍ତୁ କୋର୍ଟ ତାଙ୍କୁ ଅନ୍ତରୀଣ ରିଲିଫ୍ ଦେବାକୁ ମନା କରିଦେଇଛନ୍ତି।
ଜଷ୍ଟିସ୍ ସ୍ୱରଣା କାନ୍ତ ଶର୍ମା ଗୁରୁବାର ବିଳମ୍ବିତ ସମୟରେ ବିନେଶଙ୍କ ଆବେଦନ ଖାରଜ କରିଛନ୍ତି। କୋର୍ଟ କହିଛନ୍ତି ଯେ, ରେସଲିଂ ଫେଡେରେସନ୍ ଅଫ୍ ଇଣ୍ଡିଆ (WFI) ପକ୍ଷରୁ ନିର୍ଦ୍ଧାରିତ ଯୋଗ୍ୟତା ନିୟମରୁ ବିନେଶଙ୍କୁ ସ୍ୱତନ୍ତ୍ର ଛାଡ଼ ଦିଆଯାଇପାରିବ ନାହିଁ। ଫଳରେ ସେ ଏହି ଚୟନ ପରୀକ୍ଷାରେ ଅଂଶଗ୍ରହଣ କରିପାରିବେ ନାହିଁ।
୨୦୨୬ ସିନିୟର ବିଶ୍ୱ ଚାମ୍ପିଅନସିପ୍ ପାଇଁ ଚୟନ ପରୀକ୍ଷା ସେପ୍ଟେମ୍ବର ୧୪ରେ ନୂଆଦିଲ୍ଲୀର ଇନ୍ଦିରା ଗାନ୍ଧୀ ଷ୍ଟାଡିୟମରେ ହେବାକୁ ଯାଉଛି। ହାଇକୋର୍ଟଙ୍କ ଏହି ରାୟ ପରେ ବିନେଶ ଫୋଗାଟଙ୍କ ଅନ୍ତର୍ଜାତୀୟ କୁସ୍ତିକୁ ପୁନରାଗମନ ଯୋଜନାରେ ଏବେ ବଡ଼ ପ୍ରତିବନ୍ଧକ ସୃଷ୍ଟି ହୋଇଛି।
