Women’s Asia Cup: ଫାଇନାଲ୍ରେ ପୁଣି ଭାରତ-ଶ୍ରୀଲଙ୍କା ମୁକାବିଲା, ଚଳିତ ଏସିଆ କପ୍ରୁ ପାକିସ୍ତାନର ଅଭିଯାନ ଶେଷ
ନୂଆଦିଲ୍ଲୀ: ଚଳିତ ମହିଳା ଟି-୨୦ ଏସିଆ କପ୍ର ଫାଇନାଲ୍ ଚିତ୍ର ସ୍ପଷ୍ଟ ହୋଇଛି। ଦ୍ୱିତୀୟ ସେମିଫାଇନାଲ୍ରେ ପାକିସ୍ତାନକୁ ୪ ୱିକେଟ୍ରେ ପରାସ୍ତ କରି ଡିଫେଣ୍ଡିଂ ଚାମ୍ପିଅନ୍ ଶ୍ରୀଲଙ୍କା ଫାଇନାଲ୍ରେ ପ୍ରବେଶ କରିଛି। ଏବେ ଆସନ୍ତା ରବିବାର ୭ ଥରର ଚାମ୍ପିଅନ୍ ଭାରତ ସହ ଟ୍ରଫି ପାଇଁ ମୁକାବିଲା କରିବ ଶ୍ରୀଲଙ୍କା। ଗତ ସଂସ୍କରଣରେ ମଧ୍ୟ ଏହି ଦୁଇ ଦଳ ଫାଇନାଲ୍ରେ ଭେଟିଥିଲେ, ସେତେବେଳେ ଭାରତକୁ ୮ ୱିକେଟ୍ରେ ହରାଇ ଶ୍ରୀଲଙ୍କା ପ୍ରଥମଥର ପାଇଁ ଏସିଆ କପ୍ ଜିତିଥିଲା।
ସେମିଫାଇନାଲ୍ରେ ପ୍ରଥମେ ବ୍ୟାଟିଂ କରି ପାକିସ୍ତାନ ୫ ୱିକେଟ୍ ହରାଇ ୧୩୦ ରନ୍ ସଂଗ୍ରହ କରିଥିଲା। ଅଧିନାୟିକା ଫାତିମା ସାନା ୩୬ ବଲ୍ରେ ଅପରାଜିତ ୪୭ ରନ୍ କରି ଦଳକୁ ସମ୍ମାନଜନକ ସ୍କୋରରେ ପହଞ୍ଚାଇଥିଲେ। ଜବାବରେ ଶ୍ରୀଲଙ୍କା ୮ଟି ବଲ୍ ବାକି ଥାଇ ୬ ୱିକେଟ୍ ହରାଇ ବିଜୟ ଲକ୍ଷ୍ୟ ହାସଲ କରିଥିଲା। ଶ୍ରୀଲଙ୍କା ପକ୍ଷରୁ ଚାମରି ଆଟାପଟୁ ଓ ଚାମୁଡ଼ି ପ୍ରବୋଡା ୨ଟି ଲେଖାଏଁ ୱିକେଟ୍ ନେଇ ପାକିସ୍ତାନର ବ୍ୟାଟିଂକୁ ଚାପରେ ରଖିଥିଲେ।
ପାକିସ୍ତାନର ପରାଜୟ ସହିତ ଚଳିତ ଏସିଆ କପ୍ରୁ ଦଳର ଅଭିଯାନ ଶେଷ ହୋଇଛି। ଅନ୍ୟପଟେ ଶ୍ରୀଲଙ୍କା ଲଗାତାର ଦ୍ୱିତୀୟଥର ପାଇଁ ଫାଇନାଲ୍ରେ ପହଞ୍ଚିଛି। ଏବେ ସମସ୍ତଙ୍କ ନଜର ଭାରତ-ଶ୍ରୀଲଙ୍କା ଫାଇନାଲ୍ ଉପରେ ରହିଛି। ଭାରତ ନିଜର ଅଷ୍ଟମ ଏସିଆ କପ୍ ଟ୍ରଫି ଜିତିବାକୁ ଲକ୍ଷ୍ୟ ରଖିଥିବାବେଳେ, ଡିଫେଣ୍ଡିଂ ଚାମ୍ପିଅନ୍ ଶ୍ରୀଲଙ୍କା ପୁଣିଥରେ ଟାଇଟଲ୍ ନିଜ ନାମରେ କରିବାକୁ ମଇଦାନକୁ ଓହ୍ଲାଇବ।
