Jailer 2 Box Office: ପ୍ରଥମ ଦିନରେ ଧମାକା କଲା ‘Jailer 2’ ର ଧମାକା! ବିଶ୍ୱବ୍ୟାପୀ ୧୨୫ କୋଟି ପାର୍ କଲା ଫିଲ୍ମ
ମୁମ୍ବାଇ: ସୁପରଷ୍ଟାର ରଜନୀକାନ୍ତଙ୍କ ଫିଲ୍ମ ‘Jailer 2’ ବକ୍ସ ଅଫିସ୍ରେ ଜୋରଦାର ଆରମ୍ଭ କରିଛି। ଅକ୍ଟୋବର ୧୫ରେ ଦଶହରା ଅବସରରେ ସିନେମା ହଲ୍କୁ ଆସିଥିବା ଏହି ଫିଲ୍ମ ପ୍ରଥମ ଦିନରେ ବିଶ୍ୱବ୍ୟାପୀ ପ୍ରାୟ ୧୨୫.୨୫ କୋଟି ଟଙ୍କା ଆୟ କରିଥିବା ଆକଳନ କରାଯାଇଛି। ନେଲସନ ଦିଲୀପକୁମାରଙ୍କ ନିର୍ଦ୍ଦେଶିତ ଏହି ଫିଲ୍ମକୁ ନେଇ ଦର୍ଶକଙ୍କ ମଧ୍ୟରେ ଭଲ ଉତ୍ସାହ ଦେଖିବାକୁ ମିଳିଛି।
ଟ୍ରେଡ୍ ଟ୍ରାକର୍ Sacnilkର ପ୍ରାରମ୍ଭିକ ଆକଳନ ଅନୁସାରେ, ଫିଲ୍ମଟି ଭାରତରେ ପ୍ରଥମ ଦିନରେ ୫୯.୭୦ କୋଟି ଟଙ୍କା ନେଟ୍ ଆୟ କରିଛି। ଟିକସ ପୂର୍ବରୁ ଭାରତର ମୋଟ ଆୟ ୭୦.୨୫ କୋଟି ଟଙ୍କା ରହିଥିବା ବେଳେ ବିଦେଶରେ ଏହାର ଗ୍ରସ୍ ଆୟ ପ୍ରାୟ ୫୫ କୋଟି ଟଙ୍କା ବୋଲି କୁହାଯାଇଛି। ଏହାକୁ ମିଶାଇ ଫିଲ୍ମର ବିଶ୍ୱବ୍ୟାପୀ ପ୍ରଥମ ଦିନର ଆୟ ୧୨୫ କୋଟି ଟଙ୍କା ଅତିକ୍ରମ କରିଛି।
ତେବେ ଏହି ଆୟ ସଂଖ୍ୟାଗୁଡ଼ିକ ପ୍ରାରମ୍ଭିକ ଆକଳନ ହୋଇଥିବାରୁ ଚୂଡ଼ାନ୍ତ ତଥ୍ୟ ପ୍ରକାଶ ପାଇବା ପରେ ଏଥିରେ ସାମାନ୍ୟ ପରିବର୍ତ୍ତନ ହୋଇପାରେ। ରଜନୀକାନ୍ତଙ୍କ ଷ୍ଟାର୍ଡମ୍ ଏବଂ ଦଶହରା ଛୁଟିକୁ ନଜରରେ ରଖି ଫିଲ୍ମର ଆଗାମୀ ଦିନର ବକ୍ସ ଅଫିସ୍ ପ୍ରଦର୍ଶନ ଉପରେ ଏବେ ନଜର ରହିଛି।
