Odisha.News

Odia News Odisha.News,ଓଡ଼ିଆ ନିଉଜ, Odia Sambad, ଓଡ଼ିଆ ଖବର , Today News Odia, Odia News Portal, ବଡ ଖବର , Odisha Dot News

Kerala Crime: ମୁଖ୍ୟମନ୍ତ୍ରୀ ଭି.ଡି. ସତୀଶନଙ୍କ ପୁରୁଣା ମୋବାଇଲ୍ ନମ୍ବର ବ୍ୟବହାର କରି ଠକେଇ ଅଭିଯୋଗ, ୪୫ ବର୍ଷୀୟ ବ୍ୟକ୍ତି ଗିରଫ

କେରଳ: କେରଳ ମୁଖ୍ୟମନ୍ତ୍ରୀ ଭି.ଡି. ସତୀଶନଙ୍କ ପୁରୁଣା ମୋବାଇଲ୍ ନମ୍ବର ବ୍ୟବହାର କରି ସରକାରୀ ଅଧିକାରୀଙ୍କୁ ପ୍ରଭାବିତ କରିବା ଏବଂ ଲୋକଙ୍କୁ ଠକିବାକୁ ଉଦ୍ୟମ କରିଥିବା ଅଭିଯୋଗରେ ପୋଲିସ ୪୫ ବର୍ଷୀୟ ଏସ୍. ଶାମନାଦଙ୍କୁ ଗିରଫ କରିଛି। ସତୀଶନ ବିରୋଧୀ ଦଳର ନେତା ଥିବା ସମୟରେ ବ୍ୟବହାର କରୁଥିବା ମୋବାଇଲ୍ ନମ୍ବରଟି ପରେ ଶାମନାଦଙ୍କ ହାତକୁ ଆସିଥିଲା। ଏହି ନମ୍ବରରୁ ସେ ବରିଷ୍ଠ ସରକାରୀ ଅଧିକାରୀଙ୍କୁ ଫୋନ୍ କରି ନିଜର ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ସହ ସମ୍ପର୍କ ଥିବା ଦାବି କରୁଥିବା ଅଭିଯୋଗ ହୋଇଛି। ଏପରିକି ସେ ଏହି ନମ୍ବରକୁ ନିଜର ‘ଲକି ନମ୍ବର’ ବୋଲି କହୁଥିଲେ। ଟ୍ରୁକଲର୍‌ରେ ପୂର୍ବ ନମ୍ବର ମାଲିକଙ୍କ ନାମ ଓ ଫଟୋ ଦେଖାଯାଉଥିବାରୁ ତାହାକୁ ବ୍ୟବହାର କରି ସେ ନିଜର ପ୍ରଭାବ ଜାହିର କରୁଥିବା ପୋଲିସ କହିଛି।

ପୋଲିସର ସୂଚନା ଅନୁସାରେ, ଶାମନାଦଙ୍କ ବିରୋଧରେ ପୂର୍ବରୁ ମଧ୍ୟ ସରକାରୀ ଅଧିକାରୀଙ୍କ ପରିଚୟ ଦେଇ ଲୋକଙ୍କୁ ଧମକାଇବା ଓ ଟଙ୍କା ଆଦାୟ କରିବା ଭଳି ଅଭିଯୋଗ ରହିଛି। ସେ ଜଣେ ମାଜିଷ୍ଟ୍ରେଟ୍‌, ପୋଲିସ ସବ୍‌-ଇନ୍ସପେକ୍ଟର ଓ ଗ୍ରାମ ଅଧିକାରୀଙ୍କ ପରିଚୟ ଦେଇ ଲୋକଙ୍କୁ ଭୟଭୀତ କରୁଥିବା ଅଭିଯୋଗ ହୋଇଛି। ସରକାରୀ କାମ କରାଇଦେବାର ପ୍ରତିଶ୍ରୁତି ଦେଇ ସେ କାହାଠାରୁ ଟଙ୍କା ନେଇଛନ୍ତି କି ନାହିଁ, ତାହା ଜାଣିବା ପାଇଁ ପୋଲିସ ତାଙ୍କ ବ୍ୟାଙ୍କ ଖାତା ଓ ପୂର୍ବ କାର୍ଯ୍ୟକଳାପର ଯାଞ୍ଚ କରୁଛି।

ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟକୁ ଏନେଇ ଅଭିଯୋଗ ମିଳିବା ପରେ ତଦନ୍ତ ଆରମ୍ଭ ହୋଇଥିଲା। ପୋଲିସ ମୋବାଇଲ୍ ନମ୍ବରର କଲ୍ ଡିଟେଲ୍ ରେକର୍ଡ (CDR) ଯାଞ୍ଚ କରି ଶାମନାଦଙ୍କ ପାଖରେ ପହଞ୍ଚିଥିଲା। ଏବେ ତାଙ୍କର ଅନ୍ୟ କୌଣସି ଠକେଇରେ ସମ୍ପୃକ୍ତି ରହିଛି କି ନାହିଁ ଏବଂ ଏହି ଉପାୟରେ ସେ କେତେ ଲୋକଙ୍କୁ ଠକିଛନ୍ତି, ସେନେଇ ତଦନ୍ତ ଚାଲିଛି।

ତାଜା ଖବରର ଅପଡେଟ୍ ପାଇବା ପାଇଁ ଆମର ଆପ୍ ଡାଉନଲୋଡ୍ କରନ୍ତୁ