ପ୍ରଜ୍ଞା ପଟ୍ଟନାୟକ

25/06/2023 at 3:26 PM

ନୂଆଦିଲ୍ଲୀ: କେନ୍ଦ୍ର ସରକାର ବର୍ତ୍ତମାନ ଆଉ କିଛି କର୍ମଚାରୀଙ୍କ ଦରମା ବୃଦ୍ଧିକୁ ଅନୁମୋଦନ କରିଛନ୍ତି। ସୂଚନା ପ୍ରଦାନ କରି ମନ୍ତ୍ରଣାଳୟ କହିଛି ଯେ କୋଲ୍ ଇଣ୍ଡିଆ ଲିମିଟେଡର ଅଣ-କାର୍ଯ୍ୟନିର୍ବାହୀ କର୍ମଚାରୀଙ୍କ ପାଇଁ ଟ୍ରେଡ ୟୁନିଅନ ସହିତ ମଜୁରୀ ସଂଶୋଧନ ଚୁକ୍ତିନାମାକୁ ଅନୁମୋଦନ କରାଯାଇଛି। ବର୍ତ୍ତମାନ ଏହି କର୍ମଚାରୀମାନେ ସେମାନଙ୍କ ବେତନରେ ବେସିକ, ବିଡିଏ, ସ୍ୱତନ୍ତ୍ର ମହଙ୍ଗା ଭତ୍ତା ଏବଂ ବୋନସ୍ ଇତ୍ୟାଦିର ସୁବିଧା ପାଇବେ। ଏହା ବ୍ୟତୀତ ଭତ୍ତାରେ ୨୫ ପ୍ରତିଶତ ବୃଦ୍ଧି ହେବ।

କୋଲ ଇଣ୍ଡିଆକୁ ପଠାଯାଇଥିବା ଏକ ଚିଠିରେ ମନ୍ତ୍ରଣାଳୟ କହିଛି ଯେ ସିଙ୍ଗରେନି କଲିୟର୍ସ କମ୍ପାନୀ ଲିମିଟେଡ ଏବଂ ଟ୍ରେଡ ୟୁନିଅନର ପ୍ରତିନିଧୀଙ୍କ ଏନସିଡବ୍ଲୁଏ-ଏକ୍ସଆଇ ପାଇଁ ଅନୁମୋଦନ ଦିଆଯାଇଛି। ଏହି ଡିଲ୍ ଅନୁଯାୟୀ ଯେଉଁମାନେ ୧ ଜୁଲାଇ ୨୦୨୧ ରେ କମ୍ପାନୀ ସହିତ କାମ କରୁଥିଲେ ସେମାନଙ୍କ ମଧ୍ୟରୁ ସିଆଇଏଲ ଏବଂ ଏସସିସିଏଲର ପ୍ରାୟ ୨.୮୧ ଲକ୍ଷ କର୍ମଚାରୀ ଉପକୃତ ହେବେ।