ସାଧାରଣ ଲୋକଙ୍କୁ ଆଶ୍ବସ୍ତି; ଶସ୍ତା ହେବ ମୋବାଇଲ ଫୋନ୍ ସମେତ ଘରୋଇ ଉପକରଣ
ନୂଆଦିଲ୍ଲୀ: ସାଧାରଣ ଲୋକଙ୍କୁ ଆଶ୍ବସ୍ତି। ଘରୋଇ ଉପକରଣ, ମୋବାଇଲ୍ ଫୋନ୍, ଫ୍ରିଜ୍, ୱାଶିଂ ମେସିନ୍, ୟୁପିଏସ୍ ସହିତ ଇଲେକ୍ଟ୍ରୋନିକ୍ସ ସାମଗ୍ରୀ କ୍ରୟ ଉପରେ ଜିଏସ୍ଟି ହ୍ରାସ କରିଛନ୍ତି କେନ୍ଦ୍ର ସରକାର। ବର୍ତ୍ତମାନ ଉପଭୋକ୍ତାମାନଙ୍କୁ ଏହିସବୁ ଜିନିଷ କିଣିବା ପାଇଁ ୩୧.୩ ପ୍ରତିଶତ ଜିଏସ୍ଟି ଦେବାକୁ ପଡିବ ନାହିଁ । କମିବ ଘରୋଇ ଉପକରଣ ସମେତ ବିଭିନ୍ନ ଜିନିଷର ଦାମ। ଆଗକୁ ନିର୍ବାଚନ ଆସୁଥିବା ବେଳେ କେନ୍ଦ୍ର ଅର୍ଥ ମନ୍ତ୍ରଣାଳୟ ସାଧାରଣ ଲୋକଙ୍କୁ ବଡ ଉପହାର ଦେଇଛି। ସରକାରଙ୍କ ଜିଏସଟି ହାର କମାଇବା ପରେ ଏବେ ମୋବାଇଲ୍ ଫୋନ୍, ଟିଭି, ରେଫ୍ରିଜରେଟର ସମେତ ଅନେକ ଘରୋଇ ଉପକରଣ ଶସ୍ତା ହୋଇଯିବ।
ଘରୋଇ ଉପକରଣ, ମୋବାଇଲ୍ ଫୋନ୍, ଏଲଇଡି, ଟିଭି, ଫ୍ରିଜ୍ ସମେତ ଇଲେକ୍ଟ୍ରୋନିକ୍ସ ସାମଗ୍ରୀ ଉପରେ ସରକାର ଜିଏସ୍ଟିକୁ ଯଥେଷ୍ଟ ହ୍ରାସ କରିଛନ୍ତି। ମୋବାଇଲ୍ ଫୋନ୍, ସ୍ମାର୍ଟ ଟିଭି, ଏଲଇଡି ବଲ୍ବ, ଫ୍ରିଜ୍, ୟୁପିଏସ୍, ୱାଶିଂ ମେସିନ୍ ଇତ୍ୟାଦି ଉପରେ ଜିଏସ୍ଟି ୩୧.୩ ପ୍ରତିଶତରୁ ୧୨ ପ୍ରତିଶତକୁ ହ୍ରାସ କରାଯାଇଛି।
ଜିଏସଟିର ନୂଆ ହାର ଅନୁଯାୟୀ, ଯଦି ଆପଣ ୨୭ ଇଞ୍ଚ କିମ୍ବା ତା’ଠାରୁ କମ୍ ସାଇଜର ଟିଭି କିଣନ୍ତି, ତେବେ ଆପଣଙ୍କୁ ପୂର୍ବ ତୁଳନାରେ କମ୍ ଦେୟ ଦେବାକୁ ପଡିବ। ମୋବାଇଲ୍ ଫୋନରେ ଜିଏସଟିରେ ସରକାର ଏକ ବଡ଼ କଟକଣା କରିଛନ୍ତି। ପୂର୍ବରୁ ଜିଏସଟି ହାର ୩୧.୩ ପ୍ରତିଶତ ଥିଲା, ଯାହା ବର୍ତ୍ତମାନ ୧୨ ପ୍ରତିଶତକୁ ହ୍ରାସ ପାଇଛି। ତେଣୁ ଏବେ ମୋବାଇଲ୍ ଫୋନ୍ ନିର୍ମାତାମାନେ ଦର କମାଇବେ।
