ହ୍ବାଇଟ ହାଉସକୁ ନେଇ ହଇଚଇ ସୃଷ୍ଟି; ଖାଲି ହେଲା କ୍ୟାମ୍ପସ୍
ୱାଶିଂଟନ୍: ଆମେରିକାର ସିକ୍ରେଟ୍ ସର୍ଭିସ ଅଧିକାରୀମାନେ ରବିବାର ରାତିରେ ହ୍ବାଇଟ ହାଉସର ୱେଷ୍ଟ ୱିଙ୍ଗର ‘କମନ୍ ଏରିୟାରୁ’ ଧଳା ଜହର’ କୋକେନ ଜବତ କରିଥିବା ଜଣାପଡିଛି। ଏହି ଘଟଣା ପଦାକୁ ଆସିବା ପରେ ହଇଚଇ ସୃଷ୍ଟି ହୋଇଛି। କେକେନ୍ ଜବତ ହେବା ପରେ ହ୍ବାଇଟ ହାଉସକୁ କିଛି ସମୟ ପାଇଁ ଖାଲି କରାଯାଇଥିଲା। ସେତେବେଳେ ରାଷ୍ଟ୍ରପତି ଜୋ ବାଇଡେନ ‘କ୍ୟାମ୍ପ ଡେଭିଡ’ରେ ଥିଲେ। ମଙ୍ଗଳବାର ଦିନ ଦୁଇଜଣ ଆଇନଜୀବୀ ଏହି ସୂଚନା ଦେଇଛନ୍ତି।
ଅଧିକାରୀଙ୍କ କହିବାନୁସାରେ, ସିକ୍ରେଟ୍ ସର୍ଭିସର ଏଜେଣ୍ଟମାନେ ରବିବାର ଏକ ନିତ୍ୟ ବ୍ୟବହାର୍ଯ୍ୟ ଗସ୍ତରେ ଆସିଥିଲେ ଯେତେବେଳେ ସେମାନେ ଏକ ସ୍ଥାନରୁ ଧଳା ପାଉଡର ପାଇଥିଲେ ଏବଂ ପ୍ରାଥମିକ ଅନୁସନ୍ଧାନରୁ ଏହା କୋକେନ ବୋଲି ଜଣାପଡିଛି। କିନ୍ତୁ ୱେଷ୍ଟ ୱିଙ୍ଗର କୌଣସି କାର୍ଯ୍ୟାଳୟରେ ଏହା ମିଳିନାହିଁ।
ସୂତ୍ରରୁ ପ୍ରକାଶ ଯେ ରବିବାର ରାତିରେ କ୍ୟାମ୍ପସ କୋଠାକୁ ଖାଲି କରାଯାଇଥିଲା। ଏହି ସମୟରେ ଅଗ୍ନିଶମ ଏବଂ ଜରୁରୀକାଳୀନ ସେବା କର୍ମଚାରୀଙ୍କୁ ଯାଞ୍ଚ ପାଇଁ ଡକାଯାଇଥିଲା। ଇଣ୍ଟେଲିଜେନ୍ସ ସର୍ଭିସ ଏକ ବିବୃତ୍ତିରେ କହିଛି ଯେ ହ୍ବାଇଟ ହାଉସକୁ ନେଇ ସତର୍କତା ଅବଲମ୍ବନ କରାଯାଇଛି।
