ଲାଲୁ-ତେଜସ୍ବୀଙ୍କ ପ୍ରିୟ ପାନ ଦୋକାନ; ଏଠାରେ ପାନର ଦାମ୍ ୧୦୦୦ ଟଙ୍କା
ପାଟନା: ରାଷ୍ଟ୍ରୀୟ ଜନତା ଦଳ (ଆରଜେଡି) ସୁପ୍ରିମୋ ଲାଲୁ ଯାଦବ ତାଙ୍କର ନିଜର ନିଆରା ଅନ୍ଦାଜ୍ ଯୋଗୁ ବେଶ୍ ଜଣାଶୁଣା। ଲାଲୁଙ୍କୁ ବାରମ୍ବାର ପାନ ଖାଉଥିବାର ଆପଣ ନିଶ୍ଚିତ ଦେଖିଥିବେ। ତାଙ୍କ ପଦାଙ୍କ ଅନୁସରଣ କରି ତାଙ୍କ ସାନପୁଅ ଏବଂ ବିହାରର ଉପମୁଖ୍ୟମନ୍ତ୍ରୀ ତେଜସ୍ୱୀ ଯାଦବ ମଧ୍ୟ ଅନେକ ଥର ପାନ ଖାଉଥିବାର ନଜର ଆସିଛନ୍ତି। ତେବେ ସୂଚନା ଅନୁଯାୟୀ ଲାଲୁ ଯାଦବ ପାଟନାରେ ଥିବା ଏକ ନିର୍ଦ୍ଦିଷ୍ଟ ଦୋକାନରୁ ପାନ ଖାଇବାକୁ ବେଶ୍ ପସନ୍ଦ କରନ୍ତି।
ଏହି ଦୋକାନର ଲାଲୁଙ୍କ ପରିବାର ସହିତ ପୁରୁଣା ସମ୍ପର୍କ ରହିଛି। କୁହାଯାଏ ଯେ ଯେତେବେଳେ ବି ଲାଲୁ ଯାଦବ ପାନ ଖାଇବାକୁ ଚାହାନ୍ତି, ସେ ଏଠାକୁ ଆସନ୍ତି। ତେବେ ସ୍ୱାସ୍ଥ୍ୟଗତ କାରଣରୁ ଲାଲୁ ଯାଦବ ଆଉ ପାନ ଖାଉ ନାହାଁନ୍ତି, କିନ୍ତୁ ତେଜସ୍ୱୀ ଯାଦବ ଏବେ ବି ଏହି ଦୋକାନରୁ ପାନ ଖାଉଛନ୍ତି। କେବଳ ଏତିକି ନୁହେଁ, ତେଜସ୍ୱୀଙ୍କ ପତ୍ନୀ ରାଜଶ୍ରୀଙ୍କ ସମେତ ସମଗ୍ର ଲାଲୁଙ୍କ ପରିବାର ପ୍ରାୟତଃ ଏଠାକୁ ପାନ ଖାଇବାକୁ କିମ୍ବା ସେମାନଙ୍କ ଘର ପାଇଁ ପାନ ଅର୍ଡର ପାଇବାକୁ ଆସନ୍ତି।
ପାଟନାର ମୌର୍ଯ୍ୟ ଲୋକ କମ୍ପ୍ଲେକ୍ସରେ ଅବସ୍ଥିତ ଏହି ଦୋକାନର ନାମ ହେଉଛି ରାଜଦାନୀ ପାନ୍ ଚଏସ୍। ଦୋକାନର ଭିତର ପାର୍ଶ୍ବ ବେଶ୍ ଆକର୍ଷଣୀୟ ହୋଇଛି। ରଙ୍ଗୀନ ଆଲୋକ ମଧ୍ୟରେ ଟିଭିରେ ବାଜୁଥିବା ପୁରୁଣା ଗୀତଗୁଡ଼ିକର ସ୍ୱର ଏବଂ ପାନର ସୁଗନ୍ଧ ଆପଣଙ୍କ ମନକୁ ଆକର୍ଷିତ କରିବ। ଦୋକାନର ମାଲିକ ହେଉଛନ୍ତି ଦିଲୀପ ଚୌରାସିଆ। ସେ କହିଛନ୍ତି ଯେ ତାଙ୍କ ପାନ ଦୋକାନ ପୂର୍ବ ପୁରୁଷରୁ ଚାଲିଆସିଛି। ମୁଁ ଗତ ୦ ବର୍ଷ ଧରି ଏହାକୁ ପରିଚାଳନା କରୁଛି। ଏଠାରେ ୧୦ ଟଙ୍କାରୁ ନେଇ ୧୦୦୦ ଟଙ୍କା ପର୍ଯ୍ୟନ୍ତ ପାନ ମିଳିଥାଏ।
ଦିଲୀପ କହିଛନ୍ତି ଯେ ସେତେବେଳେ ଏଭଳି ଏକ ଚିନ୍ତାଧାରା ମନକୁ ଆସିଥିଲା ଯେ ଏମିତି ଏକ ପାନ ଦୋକାନ ଖୋଲିବା ଉଚିତ ଯେଉଁଠି ସପରିବାର ସହିତ ଲୋକେ ଆସି ଏଠାରେ ପାନର ମଜା ନେଇପାରିବେ। ଏହି କାରଣରୁ ଆଜି ଲାଲୁଙ୍କ ପରିବାର ସମେତ ଅନେକ ବଡବଡିଆ ଏବଂ ସାଧାରଣ ଲୋକ ମଧ୍ୟ ତାଙ୍କ ପାନ ଦୋକାନକୁ ଆସନ୍ତି।
