ମହେନ୍ଦ୍ର କୁମାର ସାଇ

4/09/2023 at 2:37 PM

ଝାରସୁଗୁଡା ୪/୯ ଝାରସୁଗୁଡା ଜିଲ୍ଲା ଲଖନପୁର ବ୍ଲକ ଭିକମପାଲି ଗ୍ରାମ ପଞ୍ଚାୟତ ହାଇସ୍କୁଲ ଖେଳ ପଡ଼ିଆ ଠାରେ ବ୍ଲକ ସ୍ତରୀୟ ଖେଳାଳି ଚୟନ ପ୍ରତିଯୋଗିତା ଅନୁଷ୍ଠିତ ହୋଇଥିଲା । ଭିକାମପଲି ହାଇସ୍କୁଲର ପ୍ରଧାନ ଶିକ୍ଷକ ସୁରେଶ ଚନ୍ଦ୍ର ବେହେରା ଙ୍କ ଅଧ୍ୟକ୍ଷତାରେ ଆୟୋଜିତ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଜିଲ୍ଲା ପରିଷଦ ସଭ୍ୟ ସନତ କୁମାର ସିଂହ ଯୋଗ ଦେଇ ଆନୁଷ୍ଠାନିକ ଭାବେ ଶୁଭ ଉଦଘାଟନ କରିଥିଲେ । ଭିକମପାଲି ହାଇସ୍କୁଲର ଶାରୀରିକ ଶିକ୍ଷକ ନିତ୍ୟାନନ୍ଦ ନାୟକ ଏବଂ ଅଶୋକ କୁମାର ପାଢ଼ୀ ପରିଚାଳନା କରିଥିଲେ । ଲଖନପୁର ବ୍ଲକର ଚାରୋଟି ଯାକ ସବ ବ୍ଲକରୁ ସର୍ବମୋଟ ୩୫୦ ଜଣ ଛାତ୍ରଛାତ୍ରୀ ପ୍ରତିଯୋଗିତାରେ ଭାଗ ନେଇଥିଲେ ଏବଂ ଏଥିରେ ଫୁଟବଲ, ଖୋଖୋ ଏବଂ କବାଡି ଖେଳ ସ୍ଥାନ ପାଇଥିଲା । ଫୁଟବଲ ଖେଳ ପ୍ରତିଯୋଗିତାରେ ୧୭ ବର୍ଷରୁ କମ ବୟସର ବାଳକ ଓ ବାଳିକା ଭାଗ ନେଇଥିବା ବେଳେ ଖୋଖୋ ଏବଂ କବାଡ଼ିରେ ୧୪ ବର୍ଷରୁ କମ ବୟସର ବାଳକ ଓ ବାଳିକା ଯୋଗଦାନ କରିଥିଲେ । ପ୍ରତିଯୋଗିତାରେ ଭାଗ ନେଇଥିବା ପ୍ରତ୍ୟେକ ବିଭାଗ ଖେଳାଳି ମାନଙ୍କ ମଧ୍ୟରୁ ଗୋଟିଏ ଲେଖାଏଁ ଦଳକୁ ଜିଲ୍ଲା ସ୍ତରକୁ ଚୟନ କରା ଯାଇଥିବା ଶାରୀରିକ ଶିକ୍ଷକ ନିତ୍ୟାନନ୍ଦ ନାୟକ ପ୍ରକାଶ କରିଛନ୍ତି । ଉକ୍ତ କାର୍ଯ୍ୟକ୍ରମରେ ଲଖନପୁର ବ୍ଲକର ଚାରିଗୋଟି ସବ ବ୍ଲକ ଅନ୍ତର୍ଗତ ସମସ୍ତ ବିଦ୍ୟାଳୟ ର ଶାରୀରିକ ଶିକ୍ଷକ ଓ ଶିକ୍ଷୟିତ୍ରୀ ମାନେ ଯୋଗଦାନ କରି ପ୍ରତିଯୋଗିତାରେ ସହଯୋଗ କରିଥିଲେ ।