ସନତ କୁମାର ପ୍ରାଧନୀ14/12/2023 at 5:44 PM
କୋକସରା:୧୪/୧୨ କୋକସରା ବ୍ଲକ ଝରିଆଗୁଡା କାଜୁ ବଗିଚା ଛକ ପୁର୍ତ୍ତ ବିଭାଗ ରାସ୍ତା ରୁ ମୂଷାପାଲି ଓ ଡାଲଗୁମା ପଞ୍ଚାୟତ କୁ ସଂଯୋଗ କରୁଥିବା ଗ୍ରାମ୍ୟ ଉନ୍ନୟନ ବିଭାଗ ଅଧୀନରେ ରହିଥିବା ରାସ୍ତା ର ଅବସ୍ଥା ଅତି ଶୋଚନୀୟ ହୋଇ ପଡ଼ିଥିବା ବେଳେ ରାସ୍ତାରେ ବଡ଼ ବଡ଼ ଖାଲ ଖମା ଯୋଗୁ ଏହି ଅଞ୍ଚଳ ର ଜନସାଧାରଣ ନାହିଁ ନ ଥିବା ଅସୁବିଧା ର ସମ୍ମୁଖୀନ ହେଉଥିଲେ। ଏନେଇ ଅଞ୍ଚଳବାସୀ ମାନେ ଅନେକ ସମୟରେ ଗ୍ରାମ୍ୟ ଉନ୍ନୟନ ବିଭାଗ, ସ୍ଥାନୀୟ ପ୍ରଶାସନ ଓ ଶାସକ ଦଳର ପ୍ରତିନିଧି ଙ୍କୁ ଅଭିଯୋଗ କରି ଆସୁଥିଲେ,ରାସ୍ତା ଶୋଚନୀୟ ହୋଇଥିବା ନେଇ ଅନେକ ସମୟରେ ଖବରକାଗଜ ରେ ମଧ୍ୟ ଖବର ପ୍ରଶାସନ ର ଦୃଷ୍ଟି ଆକର୍ଷଣ ହୋଇଥିବା ସ୍ଥଳେ ମଧ୍ୟ କୌଣସି ଫଳପ୍ରଦ ହୋଇ ନଥିବା ବେଳେ ଡାଲଗୁମା ଗ୍ରାମର ଦୁଇଜଣ ସମାଜସେବି କେତୁରାମ ମାଝୀ ଓ ଭୁବନେଶ୍ୱର ମାଝୀ ନିଜସ୍ଵ ଉଦ୍ୟମ ରେ ନିଜ ଖର୍ଚ୍ଚ ରେ ଗୁରୁବାର ଜେସିବି ଓ ଟ୍ରାକ୍ଟର ଲଗାଇ ରାସ୍ତାରେ ଥିବା ଖଳାଖମା ରେ ମୋରମ ପକାଇ ରାସ୍ତା ସମତୁଲ କରିଛନ୍ତି, ଫଳରେ ଏହି ରାସ୍ତାରେ ଯାତାୟାତ ରେ ଲୋକେ କିଛି ମାତ୍ରାରେ ସୁବିଧା ପାଇବେ, ସମାଜସେବୀ ଙ୍କ ଏହି ମହାନତା କୁ ଅଞ୍ଚଳ ର ଜନସାଧାରଣ ପ୍ରସଂଶା କରିଛନ୍ତି। ରାସ୍ତା ନିର୍ମାଣ ସମ୍ପର୍କରେ ଗ୍ରାମ୍ୟ ଉନ୍ନୟନ ବିଭାଗ ସହକାରୀ ଯନ୍ତ୍ରୀ ରାଜେନ୍ଦ୍ର ମାଝୀ ଙ୍କ।ପ୍ରତିକ୍ରିୟା ନେବାରୁ ରାସ୍ତା ନିର୍ମାଣ ପାଇଁ ଇଷ୍ଟିମେଟ ଯାଇଛି, ଖୁବ ଶୀଘ୍ର କାର୍ଯ୍ୟ ଆରମ୍ଭ ହେବ ବୋଳି ସୂଚନା ଦେଇଛନ୍ତି।