ସଞ୍ଜୟ କୁମାର ପାଣିଗ୍ରାହୀ19/12/2023 at 11:20 PM
କନ୍ଧମାଳ,(ସଞ୍ଜୟ କୁମାର ପାଣିଗ୍ରାହୀ):କନ୍ଧମାଳ ଜିଲ୍ଲା ଫିରିଙ୍ଗିଆ ଥାନା ରତଙ୍ଗ ଘାଇ ନିକଟରେ ବିହାର ଅଞ୍ଚଳର ମନୋଜ କୁମାର ନାମକ ଜଣେ ବ୍ୟକ୍ତିଙ୍କୁ ତିନି ଜଣ ଯୁବକ ମାଡ଼ ମାରିବା ସହ ତାଙ୍କ ଠାରୁ ୩୪,୦୦୦ ଟଙ୍କା ଓ ମୋବାଇଲ ଫୋନ ଛଡାଇ ନେଇଥିବା ନେଇ ଫିରିଙ୍ଗିଆ ଥାନାରେ ଏକ ଲିଖିତ ଏତଲା ଦେଇଥିଲେ । ସମ୍ପୃକ୍ତ ଯୁବକ ଏତଲା ଆଧାରରେ ତଦନ୍ତ କରି ତିନି ଜଣ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି । ଗିରଫ ତିନି ଜଣ ହେଲେ ରତଙ୍ଗର ଶୁକଦେବ ମାଝୀଙ୍କ ପୁଅ ସନିଆ (୨୦), ବିଷ୍ଣୁ ମାଝୀଙ୍କ ପୁଅ ଗଣପତି(୨୩),କ.ନୂଆଗାଁ ଥାନା ଅନ୍ତର୍ଗତ ଯୁଗାପଦର ଗ୍ରାମର ଜଗନ ଦିଗାଳ(୧୯) । କେସ ନଂ. ୨୨୬/୨୩ରେ ୧୪୫୦୦ଟଙ୍କା ସହ ଗୋଟିଏ ମୋବାଇଲ ଫୋନ ଜବତ ହୋଇଛି ବୋଲି ଫିରିଙ୍ଗିଆ ଥାନା ଅଧିକାରୀ ରମେଶ ଚନ୍ଦ୍ର ପ୍ରଧାନ ପ୍ରକାଶ କରିଛନ୍ତି l