ସନତ କୁମାର ପ୍ରାଧନୀ19/02/2024 at 9:42 PM
କୋକସରା:୧୯/୦୨
କଳାହାଣ୍ଡି ଜିଲ୍ଲା ଜୟପାଟଣା ଓ କୋକସରା ବ୍ଲକକୁ ସଂଯୋଗ କରୁଥିବା ୧୪ କିମି ବାନେର ଲଡୁଗାଁ ମୁଖ୍ୟ ରାସ୍ତା ଦିର୍ଘ ବର୍ଷ ଧରି ଶାସନ ଓ ପ୍ରଶାସନ ର ଅବହେଳା କାରଣରୁ ଶୋଚନୀୟ ହୋଇ ପଡିରହିଛି। ଫଳରେ ଗମନାଗମନ ରେ ଅଞ୍ଚଳବାସୀ ନାହିଁନଥିବା ଅସୁବିଧା ଭୋଗୁଥିବା ବେଳେ ମଧ୍ୟ ତାହାର ସ୍ଥାୟୀ ସମାଧାନ ବ୍ୟବସ୍ଥା ହେଉ ନଥିବା ହେତୁ ଜୟପାଟଣା ଓ କୋକସରା ବ୍ଲକ ୫ ପଞ୍ଚାୟତ ର ଜନ ସାଧାରଣ ଶେଷରେ ଆନ୍ଦୋଳନର ଡାକରା ଦେଇଥିଲେ। ଏହାକୁ ସମର୍ଥନ ଜଣାଇ ସୋମବାର ସକାଳ ୬ ଘଣ୍ଟା ରୁ ରାଜ୍ୟ ରାଜପଥ କୁ ବାନେର ଛକ ଠାରେ ବାନେର ସମେତ ଭଇଁରିପାଲି, ରେଙ୍ଗଲପାଲି , ଉଛୁଳା, ବଡ଼ ପୁଝାରୀଗୁଡା କୋକସରା ବ୍ଲକ ର ଲଡୁଗାଁ ପଞ୍ଚାୟତ ର ଶହ ଶହ ଜନ ସାଧାରଣ ଙ୍କ ସମେତ ଜୟପାଟଣା ଅଞ୍ଚଳ ର ସରପଞ୍ଚ, ପୂର୍ବତନ ଅଧ୍ୟକ୍ଷ ,କଳାହାଣ୍ଡି ସେନା ଓ ଆଦିବାସୀ ସଂଘ ମଧ୍ୟ ସମର୍ଥନ ଜଣାଇ ଆନ୍ଦୋଳନ ରେ ସାମିଲ ହୋଇଥିଲେ।ଫଳରେ ମୋଟେର ରୁ ଜୟପାଟଣା ବାନେର ରୁ ଜାତୀୟ ରାଜପଥ ୨୬ ମଧ୍ୟରେ ଯାତାୟାତ ଠପ ହୋଇ ପଡ଼ିଥିଲା।
ସୂଚନା ମତେ ଗତବର୍ଷ ଏହି ସଡ଼କ ନିର୍ମାଣ ପାଇଁ ପୂର୍ତ୍ତ ବିଭାଗ ୧୪ କୋଟି ଟଙ୍କାର ଟେଣ୍ଡର ଆହ୍ବାନ କରିଥିଲା । ସେହି ଟେଣ୍ଡରକୁ କାର୍ଯ୍ୟ ଆରମ୍ଭ ପାଇଁ ଲାଞ୍ଜିଗଡ ବିଧାୟକ ଗତବର୍ଷ ଭୂମି ପୂଜନ ମଧ୍ୟ ସାରିଥିଲେ । ଏଥି ମଧ୍ୟରେ ବର୍ଷେରୁ ଅଧିକ ସମୟ ବିତି ଯାଇଥିଲେ ମଧ୍ୟ ଆଜି ପର୍ଯ୍ୟନ୍ତ କୌଣସି କାର୍ଯ୍ୟ ଆରମ୍ଭ ନ ହୋଇ ସେମିତି ପଡ଼ିରହିଥିବା ବେଳେ ଅନ୍ୟପକ୍ଷରେ ସଡ଼କ ପାଇଁ ଅନ୍ୟ କେହି ଜଣେ ଠିକାଦାର ମାନ୍ୟବର ହାଇକୋର୍ଟଙ୍କ ଠାରେ ପିଟିସନ ଅଭିଯୋଗ କରିଥିବାରୁ ନିର୍ମାଣ କାର୍ଯ୍ୟ ବନ୍ଦ ରହିଛି ବୋଲି ମଧ୍ୟ ଜଣାପଡିଛି। ଯାହାକୁ ନେଇ ସ୍ଥାନୀୟ ଅଞ୍ଚଳବାସୀ ଙ୍କ।ମଧ୍ୟରେ ଅସନ୍ତୋଷ ଦେଖା ଦେଇଛି।ପରେ ଘଟଣାସ୍ଥଳ ରେ ଜୟପାଟଣା ବିଡିଓ ଧର୍ମରାଜ ମାଝୀ,ଜୟପାଟଣା ତହସିଲଦାର ରଘୁନାଥ ମୁଣ୍ଡାରୀ ଜୟପାଟଣା, ଥାନା ଅଧିକାରୀ ଶେଷଦେବ ବେହେରା ପହଞ୍ଚି ଆଲୋଚନା କରିଥିଲେ ହେଁ ଲୋକେ ନିଜ ଜିଦ ରେ ଅଡି ରହିଥିଲେ। ପରେ ଧର୍ମଗଡ ଉପ ଜିଲ୍ଲାପାଳ ଧିମନ୍ ଚକମା ପହଞ୍ଚି ରାସ୍ତା ର ସ୍ଥିତି ଅନୁଧ୍ୟାନ କରି ଅସନ୍ତୋଷ ବ୍ୟକ୍ତ କରିଥିଲେ ଓ ଆସନ୍ତା ୨୦ ଦିନ ମଧ୍ୟରେ ରାସ୍ତା କାର୍ଯ୍ୟ ପ୍ରକ୍ରିୟା ଆରମ୍ଭ ହେବାନେଇ ପ୍ରତିଶ୍ରୁତି ଦେବା ପରେ ଆନ୍ଦୋଳନକାରୀ ମାନେ ରାସ୍ତା ଅବରୋଧ ରୁ ହଟିଥିଲେ । ଏହି ଆନ୍ଦୋଳନ ରେ ବାନେର,ଲଡୁଗାଁ ରାସ୍ତା ବଞ୍ଚାଓ କମିଟିର ସଭାପତି କୁଞ୍ଜ ବିହାରୀ ରାଉତ,ପୂର୍ବତନ ବ୍ଲକ ଅଧ୍ୟକ୍ଷ ବଜିନ୍ଦ୍ର ପାଟଯୋଶୀ, ବ୍ଲକ ଅଧ୍ୟକ୍ଷ ଥବିର ବାଗ, କୋକସରା ବ୍ଲକ ଉପାଧ୍ୟକ୍ଷ ରାଜୀବ କୁମାର ଅଗ୍ରୱାଲ,ସମାଜସେବୀ ମନୋଜ ପାତ୍ର, ଭାଇରିପାଲି ପଞ୍ଚାୟତ ସମିତି ସଭ୍ୟ ଚିନ୍ମୟ ରାଉତ, ଯୁବନେତା ବିଘ୍ନରାଜ ପଣ୍ଡା, ଉମା ଶଙ୍କର ଦୀପ, ଭରତ ପ୍ରଧାନୀ, ଏଶର୍ଯ୍ୟ ଦାସ, ଡିଙ୍ଗର ବାଗ, ରାଜ ମୋହନ ପୁଝାରି,ଲଡୁଗାଁ ର ସମାଜସେବୀ ଦୁର୍ଗା ପ୍ରସାଦ ଅଗ୍ରୱାଲ, ପ୍ରଧାନୀ ବାଗ,ସୁରେଶ ଅଗ୍ରୱାଲ ସମେତ ୫ ପଞ୍ଚାୟତ ର ଜନ ପ୍ରତିନିଧି,ସଚେତନ ନାଗରିକ ମାନେ ଉପସ୍ଥିତ ରହିଥିଲେ।