ସନତ କୁମାର ପ୍ରାଧନୀ

9/03/2024 at 12:38 PM

କୋକସରା:୦୯/୦୩
କଳାହାଣ୍ଡି ଜିଲ୍ଲା କୋକସରା ବ୍ଲକ ସଦର ମହକୁମା ଶିଵ ମନ୍ଦିର ଛକ ନିକଟରେ ଶୁକ୍ରବାର କ୍ରାଉନ ମଲ୍ଟି ଡେଣ୍ଟାଲ ସ୍ପେଶାଳିଟି କ୍ଲିନିକ ଉଦଘାଟିତ ହୋଇଯାଇଛି। ଡାକ୍ତର ଗୌରବ ରଞ୍ଜନ ବାଗ ଏହି ଡେଣ୍ଟାଲ କ୍ଲିନିକ ଖୋଲିଥିବା ବେଳେ ଆଜି ଉଦଘାଟନ ଅବସର ରେ ଅଞ୍ଚଳ ର ଜନସାଧାରଣ ମାନେ ଉପସ୍ଥିତ ରହିଥିଲେ। ଦାନ୍ତ ଜନିତ ରୋଗ ଓ ଏହାର ଚିକିତ୍ସା ଏହି ମଲ୍ଟି ସ୍ପେଶାଳିଟି କ୍ଲିନିକ ରେ କୋକସରା ବ୍ଲକ ଅଞ୍ଚଳ ର ଦାନ୍ତ ରୋଗୀ ଙ୍କୁ ହାତ ପାହାନ୍ତା ରେ ଉପଲବ୍ଧ ହେବ ଓ ବିଶେଷଜ୍ଞ ଡାକ୍ତର ଙ୍କ ଟିମ ଜଟିଳ ଦାନ୍ତ ଜନିତ ଚିକିତ୍ସା କରିବେ ବୋଳି ଡାକ୍ତର ଶ୍ରୀ ଗୌରବ ରଞ୍ଜନ ବାଗ ସୂଚନା ଦେଇଛନ୍ତି। ଉଦଘାଟନୀ କାର୍ଯ୍ୟକ୍ରମ ରେ କୋକସରା ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ର ଅଧିକାରୀ ଡ଼. ତତ୍ୱଦର୍ଶୀ ଦାସ,ଅଵସର ପ୍ରାପ୍ତ ରେଳ ବିଭାଗ ବିଳାଶପୁର ଡ଼. କେଶବ ଲାଲ ବାଗ,ଡେଣ୍ଟାଲ ସର୍ଜନ ଡ଼.କଲ୍ୟାଣ ରାୟ, ଡ଼.ଆଶିଷ ରଞ୍ଜନ,ଡ଼. ମିର୍ଜା ବାର୍ଷି ବେଗ,ଡ଼.ସେଫ ଅହମଦ ଖାଁ, ଡ଼.ସ୍ନିଗ୍ଧା ସିଂ ଉପସ୍ଥିତ ରହି ଥିବାବେଳେ ଗୋବର୍ଦ୍ଧନ ବାଗ,ବାମଦେବ ଠାକୁର, ଅଵସର ପ୍ରାପ୍ତ ବ୍ୟାଙ୍କ ମେନେଜର ଧବଳେଶ୍ବର ନାଗ, ଡମ୍ବରୁପାଣିଗ୍ରାହୀ, ନିରଞ୍ଜନ ପ୍ରସାଦ ବାଗ,ସମାଜସେବୀ ପର୍ଶୁରାମ ପ୍ରଧାନୀ,ଅଧ୍ୟାପକ ଅଶ୍ୱିନ କୁମାର ପଟ୍ଟନାୟକ,ଦଶରଥବାଗ,ବିଜେଡି ନେତ୍ରୀ ଅଶୋକା ନାଏକ,ସମେତ କୋକସରା ଅଞ୍ଚଳ ର ଜନସାଧାରଣ ଉପସ୍ଥିତ ଥିଲେ।