ଟୁରିଷ୍ଟ ହବ୍ ହେବ ଅରୁଣାଚଳ ପ୍ରଦେଶ
ନୂଆଦିଲ୍ଲୀ: ଏଲ୍ଏସି ଉପରେ ଚୀନ୍ର କାର୍ଯ୍ୟକଳାପକୁ କଡା ଜବାବ ଦେବା ଲାଗି ଭାରତ ପ୍ରସ୍ତୁତ। ଏଥିପାଇଁ ଏକ ବଡ ପଦକ୍ଷେପ ନେଇଛି ଭାରତ। ଅରୁଣାଚଳ ପ୍ରଦେଶର ସୀମାନ୍ତବର୍ତ୍ତୀ ଗ୍ରାମଗୁଡ଼ିକୁ ‘ପର୍ଯ୍ୟଟନ ହବ୍’ କରିବା ଦିଗରେ ଭାରତ ପଦକ୍ଷେପ ନେଇଛି। ସୀମାନ୍ତ ଗ୍ରାମଗୁଡିକୁ ନୂଆ ରୂପ ଦିଆଯିବ।
ନିଜ ଭାଷାରେ ଚୀନ୍ର କାର୍ଯ୍ୟକଳାପକୁ ଜବାବ ଦେବା ପାଇଁ ମୋଦୀ ସରକାର ଭାଇବ୍ରାଣ୍ଟ ଭିଲେଜେସ୍ କାର୍ଯ୍ୟକ୍ରମ ଆରମ୍ଭ କରିଛନ୍ତି। ଏହା ଅଧୀନରେ କେବଳ ସ୍ଥାନୀୟ ଅର୍ଥବ୍ୟବସ୍ଥା ବୃଦ୍ଧି ପାଇବ ନାହିଁ, ବରଂ ସୀମାନ୍ତ ଗ୍ରାମରୁ ସ୍ଥାନାନ୍ତରଣକୁ ରୋକିବାରେ ମଧ୍ୟ ଏହା ସଫଳ ହେବ। ତେବେ ଏଭଳି ନିଷ୍ପତ୍ତି ଏମିତି ସମୟରେ ନିଆଯାଇଛି ଯେଉଁ ସମୟରେ ଚୀନ୍ ଉତ୍ତର-ପୂର୍ବର ରାଜ୍ୟଗୁଡ଼ିକ ଉପରେ ନିଜର ଅଧିକାର ସାବ୍ୟସ୍ତ କରିବାକୁ କ୍ରମାଗତ ଷଡଯନ୍ତ୍ର କରୁଛି।
ରିପୋର୍ଟ ଅନୁଯାୟୀ, ଏହି ସୀମାନ୍ତ ଗ୍ରାମଗୁଡିକରେ ହୋମଷ୍ଟେସ୍, ଟ୍ରେକିଂ, କ୍ୟାମ୍ପିଂ ସାଇଟ୍, ଆଡ୍ଭେଞ୍ଚରସ୍ ସ୍ପୋର୍ଟସ୍ ଏବଂ ଆଧ୍ୟାତ୍ମିକ ପର୍ଯ୍ୟଟନର ବିକାଶ ଉପରେ ଗୁରୁତ୍ୱ ଦିଆଯାଉଛି। ଏହାସହିତ ଅରୁଣାଚଳ ସରକାର ଦ୍ୱିତୀୟ ବିଶ୍ୱଯୁଦ୍ଧ ସମୟର ବିମାନ ଦୁର୍ଘଟଣାଗ୍ରସ୍ତ ସ୍ଥାନକୁ ପର୍ଯ୍ୟଟନକୁ ପ୍ରୋତ୍ସାହିତ କରିବାକୁ ଚିନ୍ତା କରୁଛନ୍ତି।
ପୂର୍ବ ଅରୁଣାଚଳ ପ୍ରଦେଶର ଭାରତ-ଚୀନ୍ ସୀମାରେ ଥିବା କିଛି ସ୍ଥାନରେ ହୋମଷ୍ଟେ, କ୍ୟାମ୍ପିଂ ସାଇଟ୍, ଜିପ୍ ଲାଇନ୍ ଏବଂ ଟ୍ରେକିଂ ରୁଟ୍ ବିକାଶ ପାଇଁ କାର୍ଯ୍ୟ ଆଗରୁ ଚାଲିଛି ବୋଲି ଜଣାପଡ଼ିଛି।
