କଂଗ୍ରେସରେ ମିଶି ପାରନ୍ତି କର୍ଣ୍ଣାଟକର ପୂର୍ବତନ ଉପମୁଖ୍ୟମନ୍ତ୍ରୀ ଲକ୍ଷ୍ମଣ ସାବାଦୀ

ପ୍ରଜ୍ଞା ପଟ୍ଟନାୟକ

ବେଙ୍ଗାଲୁରୁ: କଂଗ୍ରେସରେ ମିଶି ପାରନ୍ତି କର୍ଣ୍ଣାଟକର ପୂର୍ବତନ ଉପମୁଖ୍ୟମନ୍ତ୍ରୀ ଲକ୍ଷ୍ମଣ ସାବାଦୀ। କର୍ଣ୍ଣାଟକ ନିର୍ବାଚନ ଲାଗି ଟିକେଟ୍ ନ ମିଳିବାରୁ ବିଜେପି ଛାଡ଼ିଥିଲେ ଲକ୍ଷ୍ମଣ ସାବଦୀ। ଖୁବ୍‌ଶୀଘ୍ର କଂଗ୍ରେସରେ ଯୋଗ ଦେବା ନେଇ ସୂଚନା ମିଳିଛି। ଆଜି ସେ କର୍ଣ୍ଣାଟକ କଂଗ୍ରେସ ଅଧ୍ୟକ୍ଷ ଡି.କେ ଶିବକୁମାର ଓ ଦଳର ବରିଷ୍ଠ ନେତା ସିଦ୍ଧରମେୟାଙ୍କୁ ଭେଟିଛନ୍ତି। ବେଙ୍ଗାଲୁରୁ ସ୍ଥିତ ସିଦ୍ଧରମେୟାଙ୍କ ବାସଭବନରେ ଏହି ବୈଠକ ହୋଇଥିଲା।

ତେବେ ଏ ନେଇ କୌଣସି ଆନୁଷ୍ଠାନିକ ଘୋଷଣା ହୋଇନି। ଏପ୍ରିଲ ୧୨ରେ ସେ ଦଳରୁ ଇସ୍ତଫା ଦେଇଥିଲେ। ସୂଚନା ଥାଉକି ମେ ୧୦ରେ କର୍ଣ୍ଣାଟକ ନିର୍ବାଚନ ଅନୁଷ୍ଠିତ ହେବ। ୧୩ରେ ପ୍ରକାଶ ପାଇବ ନିର୍ବାଚନୀ ଫଳ।