ସନତ କୁମାର ପ୍ରାଧନୀ

28/06/2024 at 7:06 PM

କଳାହାଣ୍ଡି:୨୮/୦୬(ସନତ ପ୍ରଧାନୀ)
ଦିନ କୁ ଦିନ ବୁଲା କୁକୁରଙ୍କ ଆତଙ୍କ ଗ୍ରାମାଞ୍ଚଳରେ ବୃଦ୍ଧି ପାଇବାରେ ଲାଗିଛି। ଶୁକ୍ରବାର କୋକସରା ବ୍ଲକ ଲଡୁଗାଁ ପଞ୍ଚାୟତ ଆଇଲି ଗ୍ରାମ ର ମାର୍କଣ୍ଡ ବାଣୁଆ ଙ୍କ ୫ ବର୍ଷ ର ଶିଶୁ ପୁତ୍ର ପ୍ରହଲ୍ଲାଦ ବାଣୁଆ ଘର ନିକଟରେ ଟ୍ୟୁସନ ପଢି ଘର କୁ ଫେରିବା ବାଟରେ ବୁଲା କୁକୁର ଆକ୍ରମଣ ର ଶିକାର ହୋଇଥିବା ଜଣାପଡିଛି। ଶିଶୁ ର କାନ୍ଦ ଚିତ୍କାର ଶୁଣି କିଛି ସ୍ଥାନୀୟ ଲୋକମାନେ କୁକୁର ଙ୍କୁ ଠେଙ୍ଗା ବାଡ଼ି ଧରି କୁକୁର କୁ ଘଉଡ଼ାଇ ଶିଶୁ କୁ ଉଦ୍ଧାର କରିଥିଲେ। ତେବେ ବୁଲା କୁକୁର ଝୁଣିବା ଫଳରେ ଶିଶୁ ର ଅବସ୍ଥା ଜଟିଳ ହୋଇଥିବା ବେଳେ ପରିବାର ଲୋକେ ସାଙ୍ଗେ ସାଙ୍ଗେ କୋକସରା ଡାକ୍ତରଖାନାରେ ଭର୍ତ୍ତି କରିଥିଲେ।ପ୍ରାଥମିକ ଚିକିତ୍ସା ପରେ ଶିଶୁ ର ଅବସ୍ଥା ଜଟିଳ ଥିବାରୁ ଜିଲ୍ଲା ମୁଖ୍ୟ ଡାକ୍ତରଖାନା କୁ ସ୍ଥାନାନ୍ତର କରାଯାଇଛି।