ସୌମିତ୍ରି ମେହେର22/09/2024 at 9:40 PM
ବୀରମହାରାଜପୁର (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ସୁବଳୟା ଖେଳପଡିଆ ଠାରେ ୩୬ ତମ ଆଲୋକ ଏସି କ୍ଲୁବ ପକ୍ଷରୁ ଏକ ଦିବାସୀୟ ଫୁଟବଲ ଟୁର୍ନାମେଣ୍ଟ ଅନୁଷ୍ଠିତ ହୋଇଯାଇଛି l ରବିବାର ଉଦଘାଟନୀ ମ୍ୟାଚରେ ଅତିଥି ଭାବରେ ସୁବଳୟା ସରପଞ୍ଚ ପ୍ରମୋଦ ମହାପାତ୍ର , ସ୍ଥାନୀୟ ଥାନା ଅଧିକାରୀ ସୁଶାନ୍ତ ପ୍ରଧାନ , ସାମ୍ବାଦିକ ଶେଷଦେବ ବାରିକ , ସଦାନନ୍ଦ ମହାନନ୍ଦ, ବିଜେପି ମଣ୍ଡଳ ସଭାପତି ଶରତ ମିଶ୍ର , ସମାଜସେବୀ ସନ୍ତୋଷ ମେହେର , ପବିତ୍ର ମେହେର ପ୍ରମୁଖ ଅତିଥି ଭାବେ ଯୋଗଦେଇ ଶୁଭାରମ୍ଭ କରିଥିଲେ ଥିଲେ । ଟୁର୍ଣ୍ଣାମେଣ୍ଟ ରେ ସମୁଦାୟ ୮ ଗୋଟି ଦଳ ଭାଗ ନେଇଥିଲେ । ଫାଇନାଲ ମ୍ୟାଚ ସୁବଳୟା ଓ ଫୁଲଚରା ମଧ୍ୟରେ ଅନୁଷ୍ଠିତ ହୋଇଥିଲା l ଏହି ମ୍ୟାଚ ରେ ଫୁଲଚରା ଦଳ ୧-୦ ଗୋଲ ରେ ବିଜୟ ହୋଇଥିଲା l ପୁରସ୍କାର ବିତରଣ ଉତ୍ସବରେ ମୁଖ୍ୟ ଅତିଥି ଭାବରେ ବ୍ଲକ ଉପାଧ୍ୟକ୍ଷ ନାରାୟଣ ଲୁହା ଓ ସମ୍ମାନିତ ଅଥିତି ସମାଜସେବୀ ସପନ କୁମାର ପଧାନ ଯୋଗଦେଇ ବିଜେତା ଓ ଉପବିଜେତା ଦଳଙ୍କୁ ଟ୍ରଫି ସହ ନଗଦ ଅର୍ଥ ରାଶି ପ୍ରଦାନ କରିଥିଲେ l