Salman Khan: ୭୫ ବର୍ଷରୁ ଅଧିକ ବୟସ୍କଙ୍କ ପାଇଁ ସଲମାନଙ୍କ ବଡ଼ ଉପହାର, ମାତ୍ର ୧୧ ଟଙ୍କାରେ ଦେଖିପାରିବେ ଫିଲ୍ମ ‘ମାତୃଭୂମି’
ମୁମ୍ବାଇ: ବଲିଉଡ୍ ସୁପରଷ୍ଟାର ସଲମାନ ଖାନ୍ଙ୍କ ଆଗାମୀ ଯୁଦ୍ଧ ଭିତ୍ତିକ ଫିଲ୍ମ ‘ମାତୃଭୂମି: ମେ ୱାର୍ ରେଷ୍ଟ ଇନ୍ ପିସ୍’କୁ ନେଇ ଦର୍ଶକଙ୍କ ମଧ୍ୟରେ ଉତ୍ସାହ ବଢ଼ିଛି। ଦୀର୍ଘ ଦିନ ଧରି ଏହି ଫିଲ୍ମର ରିଲିଜ୍କୁ ନେଇ ଅନିଶ୍ଚିତତା ଲାଗି ରହିଥିଲା। ଡିସେମ୍ବର ୪ରେ ଫିଲ୍ମଟି ରିଲିଜ୍ ପାଇଁ ପ୍ରସ୍ତୁତ ହେଉଥିବା ବେଳେ ଏହାର ଟ୍ରେଲର ମିଡିଆ ପାଇଁ ଲଞ୍ଚ୍ କରାଯାଇଛି। ଟ୍ରେଲର ଲଞ୍ଚ୍ କାର୍ଯ୍ୟକ୍ରମରେ ସଲମାନଙ୍କ ସହ ଫିଲ୍ମର ସମସ୍ତ କଳାକାର ଉପସ୍ଥିତ ଥିଲେ। ଏହି ଅବସରରେ ସଲମାନ ଫିଲ୍ମକୁ ନେଇ ଉଠିଥିବା ପ୍ରଶ୍ନର ଉତ୍ତର ଦେବା ସହ ଏକ ବିଶେଷ ଘୋଷଣା କରିଥିଲେ।
ଏହି ଘୋଷଣା ଅନୁସାରେ, ୭୫ ବର୍ଷ କିମ୍ବା ତାଠାରୁ ଅଧିକ ବୟସର ଲୋକମାନେ ମାତ୍ର ୧୧ ଟଙ୍କାରେ ତାଙ୍କ ଫିଲ୍ମ ‘ମାତୃଭୂମି’ ଦେଖିପାରିବେ। ଟ୍ରେଲର ଲଞ୍ଚ୍ ସମୟରେ ସଲମାନ କହିଥିଲେ ଯେ, ୭୫ ବର୍ଷରୁ ଅଧିକ ବୟସ୍କଙ୍କ ପାଇଁ ଟିକେଟ୍ ମୂଲ୍ୟ ୧୧ ଟଙ୍କା ରଖାଯାଇଛି। ଏହି ଅଫର ସମସ୍ତ ଦର୍ଶକଙ୍କ ପାଇଁ ନୁହେଁ, କେବଳ ନିର୍ଦ୍ଦିଷ୍ଟ ବୟସର ବରିଷ୍ଠ ନାଗରିକଙ୍କ ପାଇଁ ଉଦ୍ଦିଷ୍ଟ। ତାଙ୍କର ଏହି ଘୋଷଣା ଫିଲ୍ମର ଟ୍ରେଲର ଲଞ୍ଚ୍ କାର୍ଯ୍ୟକ୍ରମର ଏକ ବିଶେଷ ଆକର୍ଷଣ ପାଲଟିଥିଲା।
ସଲମାନଙ୍କ ଏହି ପଦକ୍ଷେପକୁ ବରିଷ୍ଠ ନାଗରିକଙ୍କ ପାଇଁ ଏକ ନିଆରା ସୁଯୋଗ ଭାବେ ଦେଖାଯାଉଛି। ସାଧାରଣତଃ ସିନେମା ହଲ୍ରେ ଫିଲ୍ମ ଦେଖିବା ପାଇଁ ଦର୍ଶକଙ୍କୁ ଅଧିକ ଟଙ୍କା ଖର୍ଚ୍ଚ କରିବାକୁ ପଡ଼େ। କିନ୍ତୁ ଏହି ଘୋଷଣା ଅନୁସାରେ, ୭୫ ବର୍ଷ କିମ୍ବା ତାଠାରୁ ଅଧିକ ବୟସର ଲୋକମାନେ ମାତ୍ର ୧୧ ଟଙ୍କାରେ ଫିଲ୍ମ ଦେଖିବାର ସୁଯୋଗ ପାଇବେ। ତେବେ ଏହି ଅଫର କେଉଁ କେଉଁ ସିନେମା ହଲ୍ରେ ଏବଂ କେଉଁ ତାରିଖରୁ ଲାଗୁ ହେବ, ସେନେଇ ଦିଆଯାଇଥିବା ସୂଚନାରେ ସ୍ପଷ୍ଟ କରାଯାଇନାହିଁ।
