ସୌମିତ୍ରି ମେହେର25/09/2024 at 6:16 PM
ବୀରମହାରାଜପୁର : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଖଣ୍ଡହତା ରବିନ୍ଦ୍ରନାଥ ଜୁନିଅର କଲେଜ ଠାରେ ବଲାଙ୍ଗୀର ଡାକ ମଣ୍ଡଳ ସ୍ତରୀୟ ଡାକ ମେଳା ଅନୁଷ୍ଠିତ ହୋଇଯାଇଛି । ଏଥିରେ ମୁଖ୍ୟ ଅତିଥିଭାବେ ବଲାଙ୍ଗୀର ଡାକ ମଣ୍ଡଳ ଅଧିକ୍ଷକ ଦେବପ୍ରସାଦ ଶତପଥି ଯୋଗ ଦେଇ ବର୍ତ୍ତମାନ ଡାକସେବା କିପରି ଲୋକଙ୍କ ଦ୍ୱାରାଦେଶ ପହଂଚି ପାରିବ ସେ ବିଷୟରେ ଆଲୋଚନା କରିଥିଲେ । ସମ୍ମାନିତ ଅତିଥିଭାବେ ପୁରୁଷୋତ୍ତମ ମିଶ୍ର , ସୋନପୁର ଡାକ ନିରୀକ୍ଷକ ଅଭିଳାଷ ପଣ୍ଡା , ସତ୍ୟବ୍ରତ ପଧାନ , ସଞ୍ଜୟ କୁମାର ମିଶ୍ର , ଜଗବନ୍ଧୁ ବେରିହା ପ୍ରମୁଖ ଯୋଗ ଦେଇ ଡାକ ବିଭାଗ ର ବିଭିନ୍ନ ସେବା ବିଷୟରେ ଆଲୋଚନା କରିଥିଲେ । ଖଣ୍ଡହତା ଶାଖା ଡାକପାଳ ଶରତ ଭୋଇ ସ୍ୱାଗତ ଭାଷଣ ପ୍ରଦାନ କରିଥିବାବେଳେ ଅଧ୍ୟାପିକା ଜ୍ୟୋସ୍ନାମୟୀ ଶଙ୍ଖୁଆ ସଭା ସଂଯୋଜନା କରିଥିଲେ । ଏଥିରେ କଲେଜର ଛାତ୍ର, ଛାତ୍ରୀ, ପଂଚାୟତ ର ଆଶାକର୍ମୀ , ଅଙ୍ଗନବାଡି କର୍ମୀ , ସ୍ୱୟଂ ସହାୟକ ଗୋଷ୍ଠୀ ମହିଳା , ଡାକ କର୍ମଚାରୀ ମାନେ ଯୋଗ ଦେଇଥିଲେ ।