ସୌମିତ୍ରି ମେହେର6/10/2024 at 4:47 PM
ଉଲୁଣ୍ଡା : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଳକ କୋଟସମଲାଇ ଠାରେ ରଘୁନାଥ ଯୁବକ ସଂଘ ଆନୁକୂଲ୍ୟରେ ସାର୍ବଜନୀନ ଦୁର୍ଗାପୂଜା ସୁବର୍ଣ୍ଣ ଜୟନ୍ତୀ ସମାରୋହ ର ପ୍ରଥମ ସନ୍ଧ୍ୟା ଉଦଘାଟିତ ହୋଇଯାଇଛି । ମାଁ ଦୁର୍ଗାଙ୍କ ନବରାତ୍ର ପୂଜା , ସହସ୍ରାହୁତୀ , ଘୃତଯଞ୍ଜ , ଚଣ୍ଡିପାଠ , ମଙ୍ଗଳ ଆଳତି ପ୍ରତିଦିନ ହେଉଅଛି। ଗାଁ ର ମଙ୍ଗଳ କାମନା ପାଇଁ ନାମ ସଂକୀର୍ତ୍ତନ ମାଧ୍ୟମରେ ପ୍ରତିଦିନ ସନ୍ଧ୍ୟାରେ ଗାଁ ପରିକ୍ରମା କରି ଆଧ୍ୟାତ୍ମିକ ପରିବେଶ ସୃଷ୍ଟି ହୁଏ । ଉଦଘାଟନୀ ଉତ୍ସବରେ ମୁଖ୍ୟଅତିଥି ଭାବରେ ଉଲୁଣ୍ଡା ବ୍ଳକ ଉପାଧ୍ୟକ୍ଷ ସଞ୍ଜିବ ଦେହେରୀ , ସମ୍ମାନିତ ଅତିଥି ଭାବରେ ସରପଞ୍ଚ ବେଦମତୀ ମେଣ୍ଡିଲି , ଦୁର୍ଗାପୂଜା ସୁବର୍ଣ୍ଣଜୟନ୍ତୀ ସମାରୋହ କମିଟି ସଭାପତି ପୂର୍ଣ୍ଣଚନ୍ଦ୍ର ପାଢୀ , ସମ୍ପାଦକ ସତ୍ୟାନନ୍ଦ ମେଣ୍ଡିଲି , ଉପ ସଭାପତି ନଳିନୀକାନ୍ତ ବାଘ ପ୍ରମୁଖ ଉପସ୍ଥିତ ରହି ଉଦଘାଟନ କରି ସାଂସ୍କୃତିକ ବାର୍ତ୍ତା ଦେଇଥିଲେ । ପ୍ରଥମ ସନ୍ଧ୍ୟାରେ ଛାତ୍ରଛାତ୍ରୀ ତଥା କୁନିକୁନି ଛୁଆଙ୍କ ନୃତ୍ୟ ଗୀତ ପରିବେଷଣ କରାଯାଇଥିଲା । ଖୁଣ୍ଟୁଲାପାଲି ୟୁପିସ୍କୁଲ୍ , ଗୋଲାବନ୍ଧ ୟୁପିସ୍କୁଲ , ସୁନାପାଲି ୟୁପି ସ୍କୁଲ , କୋଟସମଲାଇ ୟୁପି ସ୍କୁଲ୍ ଆଦି ବିଦ୍ୟାଳୟର ଛାତ୍ରଛାତ୍ରୀମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ହୋଇଥିଲା।ଅନନ୍ତ ପାଢୀ ଓ ମହେଶ ଦେହେରୀ ମଞ୍ଚ ପରିଚାଳନା କରିଥିଲେ ।