ସୌମିତ୍ରି ମେହେର7/10/2024 at 12:02 PM
ବୀରମହାରାଜପୁର : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକର ଜଟେସିଂହା ପଞ୍ଚାୟତ ଅନ୍ତର୍ଗତ କୁଡ଼ାପଡା ଠାରେ ସପ୍ତମ ଏକଦିବସୀୟ ମାଁ ଭଗବତୀ ଫୁଟବଲ ଟୁର୍ଣ୍ଣାମେଣ୍ଟ ଅନୁଷ୍ଠିତ ହୋଇଯାଇଛି । ଏଥିରେ ଜଟେସିଂହା , ମରାଲୋଇ , ଫୁଲଚରା , ଉଲୁଣ୍ଡା ଆଦିବାସୀ କ୍ଲବ , କୁଡ଼ାପଡା , ଲସ୍ତଲା , ହିମିତ୍ରା ଓ କେଉଟିପାଲି ଆଦି ୮ଟି ଦଳ ଅଂଶଗ୍ରହଣ କରିଥିଲେ । ଫାଇନାଲ ମ୍ୟାଚରେ ଲସ୍ତଲା ଦଳ ଉଲୁଣ୍ଡା ଆଦିବାସୀ କ୍ଲବକୁ ହରେଇ ଚମ୍ପିଆନ ଘୋଷିତ ହୋଇଥିଲା । ନିର୍ଦ୍ଧାରିତ ସମୟ ସୁଦ୍ଧା କେହି କାହାରିକୁ ଗୋଲ ଦେଇ ନ ପାରିବାରୁ ଶେଷରେ ପେନାଲଟି ଗୋଲ ମାଧ୍ୟମରେ ଫଳାଫଳ ନିର୍ଣ୍ଣୟ କରାଯାଇଥିଲା । ଏଥିରେ ଲସ୍ତଲା ଦଳ ୫-୪ ଗୋଲରେ ଉଲୁଣ୍ଡା ଆଦିବାସୀ କ୍ଲବକୁ ପରାସ୍ତ କରିଥିଲା । ଉଦଯାପନୀ ଉତ୍ସବରେ ବୀରମହାରାଜପୁର ବ୍ଲକ ଅଧ୍ୟକ୍ଷା ଶାନ୍ତି ଲୁହା ମୁଖ୍ୟ ଅତିଥି ଏବଂ ଜଟେସିଂହା ହାଇସ୍କୁଲର ପ୍ରଧାନ ଶିକ୍ଷକ ତ୍ରିପୂରାରୀ ରଥ ସମ୍ମାନୀତ ଅତିଥି ଭାବେ ଯୋଗଦେଇ କୃତୀ ଖେଳାଳୀ ମାନଙ୍କୁ ପୁରସ୍କୃତ କରିଥିଲେ। ବାବୁଲାଲ ସାହୁ , ପ୍ରଶାନ୍ତ ସେଠୀ ଓ ଆନନ୍ଦ ବଢେଇ ଖେଳ ପରିଚାଳନା କରିଥିଲେ । ଲକ୍ଷ୍ମଣ , ରିଙ୍କୁ , ଶ୍ୟାମ , କିଶୋର , ଶ୍ରବଣ , ମିକୁନ , ମଣ୍ଟୁ , ବାବୁଲ , ତପନ , ବିକାଶ , ଅଶୋକ , ଧିରେନ , ଆଲୋକ ପ୍ରମୁଖ ଏଥିରେ ସହଯୋଗ କରିଥିଲେ।