ସୌମିତ୍ରି ମେହେର8/10/2024 at 11:15 AM
ବୀରମହାରାଜପୁର : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ସୁବଳୟା ଥାନା ଅନ୍ତର୍ଗତ ଆମ୍ବସରଭଟା ସରକାରୀ ପ୍ରାଥମିକ ବିଦ୍ୟାଳୟରୁ ଗେଟର ତାଲା କାଟି ବିଭିନ୍ନ ସାମଗ୍ରୀ ଚୋରି ହୋଇଥିବା ଅଭିଯୋଗ ହୋଇଛି । ସୋମବାର ପ୍ରଧାନ ଶିକ୍ଷୟିତ୍ରୀ ଯଜ୍ଞଶ୍ଵରୀ ବୁଡେକ ବିଦ୍ୟାଳୟ ଖୋଲିବା ସମୟରେ ମୁଖ୍ୟ ଗେଟ ଖୋଲା ରହିଥିଲା ଦେଖିବାକୁ ପାଇଥିଲେ । ଭିତରେ ପ୍ରବେଶ କରିବା ପରେ ଦୁଇଟି ଶ୍ରେଣୀ ଗୃହର ତାଲା କାଟି ଛାତ୍ରଛାତ୍ରୀ ମାନଙ୍କ ପାଇଁ ମଧ୍ୟାହ୍ନ ଭୋଜନ ଗଚ୍ଛିତ ଥିବ ତିନି ବସ୍ତା ଚାଉଳ ସହ ଏଲସିଡି ଟିଭି , ସାଉଣ୍ଡ ସେଟ୍ ଆଦି କୈାଣସି ଦୁର୍ବୁତ୍ତ ଚୋରି କରି ନେଇଥିବା ଜାଣିବାକୁ ପାଇଥିଲେ । ଏନେଇ ତୁରନ୍ତ କ୍ଳଷ୍ଟର ସାଧାରଣ ସଂଯୋଜକ ଯମ୍ବେଶ୍ଵର ଦିପ , ପରିଚାଳନା କମିଟି ସଭାପତିଙ୍କୁ ପ୍ରଧାନ ଶିକ୍ଷୟିତ୍ରୀ ଶ୍ରୀ ବୁଡେକ ଜଣାଇଥିଲେ ଏବଂ ସୁବଳୟା ଥାନାରେ ଲିଖିତ ଅଭିଯୋଗ କରିଥିଲେ। ଅଭିଯୋଗ ପାଇ ସୁବଳୟା ପୁଲିସ ବିଦ୍ୟାଳୟ ପହଞ୍ଚି ତଦନ୍ତ ଆରମ୍ଭ କରିଥିବା ଜଣାଯାଇଛି ।