ଓଡ଼ିଶା ଡଟ୍ ନ୍ୟୁଜ୍

9/10/2024 at 3:05 PM

ଚାନ୍ଦବାଲି: ଧାମରା ବନ୍ଦର ଅଞ୍ଚଳରେ ଅଘଟଣ । ବିଦ୍ୟୁତ ଟାଓ୍ବାରରେ ଚଢ଼ି ଜଳିଗଲେ ଜଣେ ଯୁବକ । ମୃତକଙ୍କ ଘର ପଶ୍ଚିମବଙ୍ଗରେ ବୋଲି ଜଣାପଡ଼ିଛି । ସେ ଧାମରା ବନ୍ଦରରେ କାମ କରୁଥିଲେ ।

ଗତକାଲି ସନ୍ଧ୍ୟାରେ ଧାମରା ବନ୍ଦରକୁ ଯାଇଥିବା ଉଚ୍ଚ କ୍ଷମତା ସମ୍ପର୍ଣ୍ଣ ବିଦ୍ୟୁତ ଟାୱାରରେ ସେ ଚଢିଯାଇଥିଲେ । ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ତାଙ୍କୁ ଉଦ୍ଧାର କରିବାକୁ ଚେଷ୍ଟା କରିଥିଲା । ବହୁ ଚେଷ୍ଟା ପରେ ବି ସେ ତଳକୁ ଓହ୍ଲାଇ ନଥିଲେ । ରାତିସାରା ଟାୱାର ଉପରେ ରହିବା ପରେ ସକାଳେ ତଳକୁ ଓହ୍ଲାଉଥିବାବେଳେ ବିଦ୍ୟୁତ ତାର ସଂସ୍ପର୍ଶରେ ଆସି ଜଳି ଯାଇଥିଲେ ।

ଲୋକଙ୍କ ଆଖି ଆଗରେ ଯୁବକ ଜଣଙ୍କ ଜଳି ଯାଇଥିଲେ । ତେବେ ଯୁବକ ଜଣଙ୍କ କାହିଁକି ଟାୱାର ଉପରକୁ ଚଢିଥିଲେ ସେ ନେଇ ସ୍ପଷ୍ଟ କାରଣ ଜଣାପଡ଼ି ନଥିବାବେଳେ ତାଙ୍କ ମାନସିକ ବିକୃତି ଥିବା ଅଭିଯୋଗ ହୋଇଛି । ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଉଦ୍ଧାର କରି ତଦନ୍ତ କରୁଛି ।