ସୌମିତ୍ରି ମେହେର12/10/2024 at 2:56 PM
ବୀରମହାରାଜପୁର : (ସୌମିତ୍ରି ମେହେର) ସୁ ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ମୁର୍ଷୁଣ୍ଢୀ ଗ୍ରାମ ପଞ୍ଚାୟତ ଅନ୍ତର୍ଗତ କର୍ଡ଼lପାଲ ମାହେଶ୍ୱରୀ ବାଡ଼ି ଯାତ୍ରା ଉପଲକ୍ଷେ ରାବଣ ଦରବାର କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l ଶୁକ୍ରବାର ସମ୍ବାଦଦାତା ପିତାମ୍ବର ସାହୁ ମୁଖ୍ୟ ଅତିଥି ଭାବେ ଯୋଗ ଦେଇ ସାଂସ୍କୃତିକ ବାର୍ତ୍ତା ପ୍ରଦାନ କରିଥିଲେ l ଗ୍ରାମ ଅଧିପତି ରାଧାନାଥ ହୋତା ସମ୍ମାନିତ ଅତିଥି ଭାବେ ଯୋଗ ଦେଇ ଗ୍ରାମାଞ୍ଚଳ ର କୁନି କୁନି କଳାକାର ଙ୍କୁ ମଞ୍ଚରେ ଅଭିନୟର ସୁଯୋଗ ଦେବାକୁ କହିଥିଲେ I ପ୍ରଶାନ୍ତ କୁମାର ପଣ୍ଡା ମଞ୍ଚ ପରିଚାଳନା କରିଥିବା ବେଳେ ରାବଣ ଭୂମିକାରେ ପ୍ରଫୁଲ୍ଲ କୁମାର ମେହେର , ହନୁମାନ ରଞ୍ଜିତ ମେହେର , ଲକ୍ଷ୍ମଣ ଅରକ୍ଷିତ ଦେହେରୀ , ରାମ ସୁବାଷ ଚନ୍ଦ୍ର ଦେହେରୀ , ସୀତା ରଶ୍ମିତା ତାଣ୍ଡି ଓ ସାଥି ନିଖୁଣ ଅଭିନୟ କୁ ବିଳମ୍ବିତ ରାତ୍ରି ପର୍ଯ୍ୟନ୍ତ ଦର୍ଶକମାନେ ବେଶ ଉପଭୋଗ କରି ଥିଲେ l ପୌରାଣିକ ବିଷୟ ସୁଗ୍ରୀବ ମିତ୍ରତା ଏବଂ ଲଙ୍କା ଦହନ ଉପରେ ପରିବେଷଣ କରିଥିଲେ ଏହି ଅବସରରେ ପରିବେଷଣ ହୋଇଥିଲା ସାଂସ୍କୃତିକ କାର୍ଯ୍ୟକ୍ରମ। ଓ ସ୍ଥାନୀୟ କଳାକାରଙ୍କ ଦ୍ବାରା ସମ୍ବଲପୁରୀ ଓ ଆଧୁନିକ ନୃତ୍ୟ ପରିବେଷଣ କରାଯାଇଥିଲା। ଏହାସହିତ ଘରକରଣା , ମୀନା ବଜାରରେ ସାମଗ୍ରୀ କିଣାବିକା ସହିତ ଲୋକେ ଚଟପଟି ଖାଦ୍ୟର ମଜା ନେଇଥିଲେ । ଏହି ଅବସରରେ ଅଞ୍ଚଳର ଶତାଧିକ ଦର୍ଶକଙ୍କ ସମାଗମ ହୋଇଥିଲା । ଏଥିରେ ମାହେଶ୍ୱରୀ ପୂଜା କମିଟି ର ଗୁପ୍ତେଶ୍ୱର ପଧାନ , ଶେଷଦେବ ସାମଲ , ବିଶ୍ୱବାସ ହୋତା , ବିଶ୍ଵାମିତ୍ର ସାମଲ , ସିଲୁ ମିଶ୍ର , ଋଷୁଦ୍ଧ ସାମଲ, ସଂଜୀବ ସାମଲ , ସନତ ହୋତା , ଅକ୍ରୁର ନାଏକ ପ୍ରମୁଖ ସହଯୋଗ କରିଥିଲେ l