ସୌମିତ୍ରି ମେହେର29/10/2024 at 7:11 PM
ବୀରମହାରାଜପୁର : (ସୌମିତ୍ରି ମେହେର ) ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଉପଖଣ୍ଡ ସ୍ତରରେ ପଥ ଉତ୍ସବ ୱାକେଥନ ପାଳିତ ହୋଇଯାଇଛି l ସଂକ୍ଷିପ୍ତ ଭୋଟର ସଂଶୋଧନ ପାଇଁ ସ୍କୁଲ କଲେଜ ଛାତ୍ର ଛାତ୍ରୀ ମାନଙ୍କୁ ନେଇ ଏକ ବିରାଟ ଶୋଭାଯାତ୍ରା ସହର ପରିକ୍ରମା କରିଥିଲା l ମଙ୍ଗଳବାର ବୀରମହାରାଜପୁର ଉପଜିଲ୍ଲାପାଳ ଲଲାଟେନ୍ଦୁ ସି ଙ୍କ ପ୍ରତ୍ୟାକ୍ଷ ତତ୍ତ୍ଵାବଧାନରେ ରଙ୍ଗୋଲି , କୁଇଜ ପ୍ରଭୃତି ପ୍ରତିଯୋଗିତା ଅନୁଷ୍ଠିତ ହୋଇଥିଲା l ବିଭିନ୍ନ ଶିକ୍ଷା ଅନୁଷ୍ଠାନ ପକ୍ଷରୁ ନୃତ୍ୟ , ସଂଗୀତ ପରିବେଷଣ କରାଯାଇଥିଲା l ଆୟୋଜିତ ସଭାରେ ବୀରମହାରାଜପୁର ଉପଜିଲ୍ଲାପାଳ ଲଲାଟେନ୍ଦୁ ସି , ରେଭିନ୍ୟୁ ଅଫିସର ଉପେନ୍ଦ୍ର ଦାଶ , ତହସିଲଦାର ପୁନମ ମହାପାତ୍ର , ବୀରମହାରାଜପୁର ବିଡ଼ିଓ ପ୍ରିୟଦର୍ଶିନୀ ମିର୍ଦ୍ଧା , ଉଲୁଣ୍ଡା, ଶିକ୍ଷା ଅଧିକାରୀ ଶାନ୍ତନୁ କୁମ୍ଭକାର ପ୍ରମୁଖ ମଞ୍ଚାସିନ ଥିଲେ l କାର୍ଯ୍ୟକ୍ରମ କୁ ଲକ୍ଷ୍ମୀ ନାରାୟଣ ସାହୁ , ଅଧ୍ୟାପକ ସତ୍ୟ ନାରାୟଣ ଦାଶ , ଗିରିଧାରୀ ହୋତା ପ୍ରମୁଖ ମଞ୍ଚ ପରିଚାଳନା କରିଥିଲେ l ପୋଲିସ ବିଭାଗ , ଅଗ୍ନିଶମ ବିଭାଗ , ମହିଳା ଶିଶୁ କଲ୍ୟାଣ ବିଭାଗ ସମେତ ପ୍ରଶାସନିକ କର୍ମଚାରୀ ଓ ସାଧାରଣ ନାଗରିକ ସାମିଲ ହୋଇଥିଲେ l